Xikita nochi

Pampa tikitas okse menú

ITlaixpantijkauan Jehová

náhuatl del centro

JW.ORG kajki ika kanaj 300 tlatlamantli tlajtolmej

JW.ORG kajki ika kanaj 300 tlatlamantli tlajtolmej

Tla tikchiua clic itech nin página kanin motaj nochi tlatlamantli tlajtolmej tlen onka, tikitas mota se lista ika kanaj 300 tlatlamantli tlajtolmej, ¡melauak techtlajtlachialtia pampa amo onka okse página ken nin itech internet!

¿Onka oksepa página tlen ma kitlajtolkuepakaj ken nin? Ma tikitakan, ik itech metstli julio, xiuitl 2013, página tlen kipia Naciones Unidas onka san ika 6 tlatlamantli tlajtolmej. Uan página tlen kipia Unión Europea onka san ika 24 tlatlamantli tlajtolmej. Uan seki tlamantli tlen kipia Google onka ika 71 tlatlamantli tlajtolmej, uan Wikipedia ika 287 tlatlamantli tlajtolmej.

Moneki miak kauitl kitlajtolkuepaskej nin página ika kanaj 300 tlatlamantli tlajtolmej. Nochi nin tekitl kichiuaj iTlaixpantijkauan Jehová tlen katej itech nochi Tlaltikpak pampa kinekij kiueyichiuaskej toTajtsin Jehová. Itech sejse tlajtoli katej tokniuan tlen kuali kitlajtolkuepaj tlen ijkuilitok ika tlajtoli inglés.

Nin página jw.org kipia miak tlamantli tlen yokitlajtolkuepkej ika kanaj 300 tlatlamantli tlajtolmej, yokitlajtolkuepkej kanaj 200,000 tlamantli, sapanoa miak.

Pero nin página amo sa kajki ika miak tlatlamantli tlajtolmej, noijki miakej tlaltikpaktlakamej kixmatij. Itech tlen okitak empresa Alexa, se empresa tlen tlatemoa itech tlen páginas okachi kalakij tlaltikpaktlakamej. Itech subcategoría “Religión y espiritualidad” motaj kanaj 87,000 páginas tlen kipiaj tlaneltokalismej, noijki tlen okachi uejueyij, ken tlen kinchijchiuaj amatlajkuilolmej uan tlanechikolmej. Uan itech metstli julio, xiuitl 2013, nin lista okiteititiaya jw.org okatkaj ik ome tlen okachi okitayaj. Página tlen okachi okitayaj kiteititia miakej Biblia.

Itech metstli octubre, xiuitl 2013, itech jw.org mojmostla okalakiayaj kanaj 890,000 tlaltikpaktlakamej. Tiknekij nochipa tiktlaliskej itech nin página tlen kijtoa Biblia pampa uelis kitaskej nochtin tlaltikpaktlakamej.