Tikilnamikiskej imikilis Jesús
Jueves 2 de abril 2026
Sejse xiuitl iTlaixpantijkauan Jehová kilnamikij imikilis Jesús. Ijkon kitlakamatij Jesús ijkuak okijto: “Ijkin xikchiuakan para nantechilnamikiskej” (Lucas 22:19).
Timitsyoleuaj touan ximonechiko iuan mofamilia.
Sekimej techtlajtlaniaj
¿Akinmej uelis touan monechikoskej?
Nochtin uelis touan monechikoskej. Uelis tikinyoleuas mofamiliares noso moyolikniuan.
¿Uejkaua?
Kanaj se hora.
¿Kanin mochiuas?
Ximotlapoui iuan se iTlaixpantijka Jehová uan ye mitsiluis kanin timonechikoskej.
¿Kox itlaj tiktlaxtlauas?
Amitlaj moneki tiktlaxtlauas.
¿Mitstlajtlaniliskej tomin?
TiiTlaixpantijkauan Jehová amo tiktlajtlanij tomin kanin timonechikouaj (Mateo 10:8).
¿Ken moneki timotlakentis?
TiiTlaixpantijkauan Jehová timotlakentiaj ken moneki. Non kiteititia titetlakaitaj uan amo timoueyinekij.
¿Tlen tikchiuaj ijkuak tikilnamikij imikilis Jesús?
Achto peua titlakuikaj uan satepan se iTlaixpantijka Jehová motlatlaujtia. Satepan kipanoltiaj se tlamachtil uan techyekiluiaj tleka imikilis Jesús miak ipati uan ken techpaleuia tlen okichijkej toTajtsin Dios uan Cristo. Saiktlami oksepa titlakuikaj uan satepan okse iTlaixpantijka Jehová motlatlaujtia.
Tla tikneki okachi tikmatis, xiktlajtolti tlamachtil “¿Tleka iTlaixpantijkauan Jehová amo kichiuaj iCena toTeko ken oksekimej religiones?”.
¿Keman tikilnamikiskej imikilis Jesús itech okseki xiuitl?
2026: jueves 2 de abril.
2027: lunes 22 de marzo.
Xamo noijki mitspaktis
IMIKILIS JESÚS
Ma tikilnamikikan imikilis Jesús
Ika miak pakilistli timitsyoleuaj touan ximonechiko pampa tikilnamikiskej imikilis Jesús ijkon ken ye okijto. Tikmatis ken iyolilis uan imikilis Jesús mitspaleuia.
TLEN OKACHI IPATI TLAMACHTIA BIBLIA
¿Tleka omikik Jesús?
Biblia kijtoa miak ipati imikilis Jesús. ¿Tleka omikik Jesús?
OKSEKI TLAMACHTILMEJ
Imikilis Jesús techpaleuia
¿Tlen ome tlamantli otechmachti Jesús moneki tikchiuaskej para matechpaleui imikilis?
XITECHIXMATIKAN
Touan ximonechiko
Xikita tlen tikchiuaj ijkuak timonechikouaj. Xiktemo kanin timonechikouaj ik kanin tichanti.