Xikita nochi

Tlen kiualika

TLAMACHTIL TLEN IKA PEUA | MA MITSYOLPAKTI TIKTLAJTOLTIS BIBLIA

¿Uelis nechpaleuis Biblia?

¿Uelis nechpaleuis Biblia?

Amo onka okse amochtli ken Biblia. Ompa kijtoua ken mokuayejyekoua toTajtsin Dios (2 Timoteo 3:16). Tlen kijtoua Biblia uelis mitspaleuis. Biblia kijtoua: “Itlajtol Dios yolitok iwa kipia weletílistli” (Hebreos 4:12). Nin amochtli uelis mitspaleuis, se: Tikmatis tlen uelis tikchiuas uan ome: Mitspaleuis xikixmati toTajtsin Dios uan noijki tikmatis tlen kichiuas satepan (1 Timoteo 4:8; Santiago 4:8).

Techiluia tlen uelis tikchiaskej. Biblia techpaleuia ma tikmatikan tlen tikchiuaskej para tiyolpakiskej.

Se tlakatl uan isiua tlen chantij Asia uan yikin omonamiktijkej kijtouaj yokinpaleuij Biblia. Ijkon ken akinmej yikin monamiktiaj, kimachiliaj oui motlapouiskej uan kuali mouikaskej. Pero opejkej kichiuaj tlen okitlajtoltiayaj itech Biblia. ¿Ken okinpaleui? Vicent okijto: “Tlen oniktlajtolti itech Biblia onechpaleui ma nikxiko tlen otikixnamikej ijkuak yikin otimonamiktijkej uan amo san niman ma nikualani. Nin otechpaleuij para ma tiyolpakikan”. Isiua tlen itoka Annalou okijto: “Timomachtiskej Biblia techpaleuia. Niyolpaki iuan nonamik uan san sekan tiknekij tikchiuaskej miak tlamantli”.

Mitspaleuis xikixmati toTajtsin Dios. Vicent noijki okijto: “Sapanoua techpaleuia tlen kijtoua Biblia, axkan okachi nimouika iuan Jehová”. Tlen okijto Vicent techpaleuia ma tikajsikamatikan se tlamantli tlen melauak kuali: Biblia mitspaleuis kuali xikixmati toTajtsin Dios. Amo san mitspaleuis kuali xiyeto, noijki mitspaleuis ximouika iuan toTajtsin Dios. Noijki itech iTlajtol techiluia satepan kuali tiyetoskej uan nochipa tiyoltoskej (1 Timoteo 6:19). Amo onka okse amochtli tlen ijkon mitspaleuis.

Tla nochipa tiktlajtoltia Biblia mitspaleuis xiyolpaki uan noijki okachi tikixmatis toTajtsin Dios. Xamo ijkuak tiktlajtoltis seki tlamantli amo tikajsikamatis. Tla ijkon mitspanoua, xikilnamiki tlen okipanok se tlakatl tlen ochantiaya Etiopía. Nin tlakatl amo okajsikamatiaya nochi tlen okitlajtoltiaya. Felipe okitlajtlani kox okajsikamatiaya tlen okitlajtoltijtoka, ye okinankili: “¿Kenomi nikajsikamatis, tla amaka nechajsikamatiltia?”. * Ik non, okilui Felipe ma kipaleui (Hechos 8:30, 31, 34). Tla tikneki tikmatis tlen okachi kijtoua Biblia uelis titlatemos itech Internet jw.org noso ompa xiktemiti se amatl uan se iTlaixpantijka Jehová mitsnotsas para nanmokauaskej keman uan tlen hora nanmomachtiskej. Melauak mitspaleuis tla tiktemos se Biblia uan tiktlajtoltis.

Uan tla amo tikneltoka tlen kijtoua Biblia xikita video ¿Uelis tikneltokaskej Biblia kijtoa tlen melauak? Xiktemo video itech jw.org/ncx.

^ párr. 8 Tla tikneki tikmatis okachi ken techpaleuia Biblia, xikalaki itech jw.org, kanin kijtoua BIBLIA TLAMACHTIA > ¿TLEN KIJTOUA BIBLIA?

^ párr. 11 Noijki xikita tlamachtil tlen kajki itech nin revista itoka: “¿Es importante entender bien la Biblia?”.