Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Akin Tetlapouijtok  |  Noviembre de 2015

 TLAMACHTIL TLEN IKA PEUA

¿Tleka kineki toTajtsin Dios ma tiktlatlaujtikan?

¿Tleka kineki toTajtsin Dios ma tiktlatlaujtikan?

ToTajtsin Dios kineki iuan ma timouikakan.

Ijkuak yoliknimej kuali motlapouiaj okachi kuali mouikaj. ToTajtsin Dios noijki techyoleua iuan ma timotlapouikan pampa kuali iuan ma timouikakan. Ye techiluia: “Namejuan nannechnotsaskej uan nanualaskej uan nannechtlatlaujtiskej, uan ne namechkakis” (Jeremías 29:12). Ijkuak okachi iuan timotlapouiskej, okachi itech timotokiskej, uan ye totech motokis (Santiago 4:8). Biblia techiluia Jehová amo uejka kajki itech akinmej kitlatlaujtiaj (Salmo 145:18). Tla okachi tiktlatlaujtiskej, okachi kuali iuan timouikaskej.

“Jehová amo uejka kajki itech akinmej kitlatlaujtiaj” (Salmo 145:18).

ToTajtsin Dios kineki techpaleuis.

Jesús okijto: “¿Akin tlakatl weletis kimakas ikone se tetl ijkuak kitlajtlanilis se paj? Noso, ¿weletis kimakas se koatl ijkuak kitlajtlanilis se michi? Maya nomejwah amo nonkualteh, nonweleti nonkinmakah nomopilwah tlan kuali, ¡okachi Nomotajtsi Dios non kajki ilwikak, weletis nomechmakas tlan kuali tla nonkitlajtlaniliskeh!” (Mateo 7:9-11). Kema, toTajtsin Dios kineki ma tiktlatlaujtikan pampa totech motekipachoa uan kinektok techpaleuis (1 Pedro 5:7). Ye techyoleua itech ma timotokikan ijkuak titlajyouiaj. Biblia techiluia: “Amitla manomechtekipacho, yej nochipa xikilikah n Toteko tlan nonkinekih keman nonmotiotsajtsiliah, xiktlajtlanilikah iwa ximotlasojkamatikah” (Filipenses 4:6).

Tlaltikpaktlakamej moneki ma techyekana toTajtsin Dios.

Akinmej momachtiaj ken innemilis tlaltikpaktlakamej, yokitakej tinochtin moneki ma timotlatlaujtikan. Noijki akinmej amo tlaneltokaj itech toTajtsin Dios uan agnósticos. * Nin techmachtia otechchijchijkej pampa ma techyekana toTajtsin Dios. Uan Jesús okijto yolpaki akin kimati moneki ma kiyekana toTajtsin Dios (Mateo 5:3, TNM). Uan nin uelis tikchiuaskej tla nochipa tiktlatlaujtiaj toTajtsin Dios.

¿Tlen panos tla kuali timouikaj iuan toTajtsin Dios?

^ párr. 8 Itech xiuitl 2012 Centro de Investigación Pew okijto kanaj 11% itech ateos uan agnósticos tlen katej itech Estados Unidos motlatlaujtiaj maski san se uelta itech se metstli.