Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Akin Tetlapouijtok  |  Noviembre de 2015

 TLAMACHTIL TLEN IKA PEUA | ¿AKINMEJ ITLAIXPANTIJKAUAN JEHOVÁ?

¿Tleka tetlapouiaj?

¿Tleka tetlapouiaj?

Uelis okachi techixmatij pampa titetlapouiaj. Titetlapouiaj itech inkalijtik tlaltikpaktlakamej, itech ojtli uan san kanin tikinmajsij tlaltikpaktlakamej. ¿Tleka tikchiuaj?

TiiTlaixpantijkauan Jehová titetlapouiaj pampa tikueyichiuaj toTajtsin Dios uan pampa oksekimej ma kixmatikan itoka (Hebreos 13:15). Noijki tikchiuaj pampa tiktlakamatij tlen otechnauati Jesús, ye okijto: “Xiakan, uan ijkon, xikinchiuakan nomachtijkauan itech nochi altepemej, [...] xikinmachtikan ma kichiuakan nochi tlen onamechnauati” (Mateo 28:19, 20, TNM).

Uan noijki titetlapouiaj pampa tikintlasojtlaj tlaltikpaktlakamej (Mateo 22:39). Tikmatij nochtin tlatlamantli tlaneltokaj uan miakej amo kinekij kikakiskej tlen tikintlapouiaj. Pero tikmatij tlen tikintlapouiaj itech Biblia uelis kinmakixtis. Nin techpaleuia “nochi tonati [...] ma titlamachtiakan iwa ma titetlapowikan itech Jesús”, ijkon ken okichiuayaj itech achto siglo (Hechos 5:41, 42).

Sociólogo Antonio okijto: “ITlaixpantijkauan Jehová mochijchikauaj uan sotlauaj, sapanoa sotlauaj hasta uelis mikiskej pampa itech nochi Tlaltikpak ma momati tlen sagrado”. (Okiski itech periódico El Universal, Venezuela)

Miakej akinmej kintlajtoltiaj revistas amo iTlaixpantijkauan Jehová. Uan tikinmachtiaj itech Biblia sapanoa miakej tlaltikpaktlakamej tlen tlatlamantli intlaneltokilis uan tlen yolpakij ijkuak se iTlaixpantijka Jehová kintlapouia.

Uelis ok tikneki tikmatis okseki tlamantli itech tejuan. Onka miak tlamantli ken uelis tikmatis tlen melauak:

  • Ximotlapoui iuan se iTlaixpantijka Jehová.

  • Xikalaki itech www.jw.org/ncx.

  • Touan ximonechiko. Amo mitstlajtlaniliskej tomin.