Xikita nochi

Tlen kiualika

 TLAMACHTIL TLEN IKA PEUA | ¿POJPOLIUIS TLALTIKPAK?

Miakej momakixtiskej ¿Uan tejuatsin?

Miakej momakixtiskej ¿Uan tejuatsin?

Biblia techiluia ijkuak tlamis nochi sapanoa tlaxixinis nochi: “N tlaijyowílistli yetos satlawel temojti non ayamaka ijkó okitak desde ijkuak omonexti n tlaltíkpaktli [...]. Iwa tla nonteh tonatijmeh amo motsikitsintiliskiah, amaka yolitoskia” (Mateo 24:21, 22). Pero toTajtsin Dios kijtoa miakej tlaltikpaktlakamej uelis momakixtiskej: “Tlan onka itech nin tlaltíkpaktli ya tlanti, iwa nochi tlan pitsotik, pero akin kichiwah tlan Dios kineki nochipa yolitos” (1 Juan 2:17).

Tla tikneki timomakixtis ijkuak tlamis nochi tlen amo kuali uan tiyoltos nochipa, ¿tlen uelis tikchiuas? ¿Moneki tikololos tlakuali uan okseki tlamantli? Amo. Biblia techiluia tlen tlamantli okachi ipati ma tikchiuakan: “Iwa tla ijkó pojpoliwis nochi tlan onka, ¡moneki nomejwah sanwel xiktlakitakah Dios iwa xikchiwakah nochi tlan kuali! Xikchiakah maajsiki n tonati non Dios yokitlali” (2 Pedro 3:10-12). “Pojpoliwis nochi tlan onka” kijtosneki akinmej axkan tlanauatiaj itech Tlaltikpak uan nochtin akinmej kinpaleuiaj uan amo kiseliaj iTekiuajkayo toTajtsin Dios. Kuali tikajsikamatij, tla tikololoaj tomin noso okseki tlamantli amo uelis timomakixtiskej ijkuak tlamis nochi.

San uelis timomakixtiskej tla tikchiuaj ken toTajtsin Dios kineki uan amo keman tikkauaj (Sofonías 2:3). Amo ma tikchiuakan ken nochtin tlaltikpaktlakamej akinmej amo kinekij kajsikamatiskej nochi tlen panoa axkan itech Tlaltikpak, okachi kuali ma tikilnamikikan yiajsitiuits tonal ijkuak Jehová kitlajtlamis nochi tlen amo kuali. TiiTlaixpantijkauan Jehová ika Biblia uelis mitsmachtiskej tlen moneki xikchiua pampa timomakixtis.