Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Akin Tetlapouijtok  |  Marzo de 2015

 TLAMACHTIL TLEN IKA PEUA | ¿ITECH TLEN TECHMAKIXTIA JESÚS?

¿Itech tlen moneki ma techmakixtikan?

¿Itech tlen moneki ma techmakixtikan?

“Tlakatl, akin nesi itech se siuatl, amo uejkaua inemilis uan sapanoa tlajyouia. Ye uits ken se xochitl uan satepan uaki, uan choloa ken ekauitl uan poliui.” (Job 14:1, 2.)

Yiuejkika tlaltikpaktlakamej mokuayejyekoaj ken kualtsin yetoskia tla amo keman ueuejtiskiaj noso kokoxkatiskiaj. Pero tinochtin timikij. Tlajtolmej tlen ika peua nin tlamachtil okinmijto Job, uan yikipia kanaj tres mil xiuitl okinmijto uan noijki axkan melauak tlen okijto.

Tinochtin tiknekij amo keman timikiskej uan tiyoltoskej nochipa. Biblia kijtoa non tlen toTajtsin Dios otechmakak, uan noijki ma tiknekikan tikmatiskej tlen kijtosneki nochipa (Eclesiastés 3:11). ¿Uelis toTajtsin Dios akin techtlasojtla techmakaskia itlaj tlen amo keman tikpiaskiaj? Amo. ITlajtol toTajtsin Dios kijtoa mikilistli ken ikaj akin techkokolia uan ayakmo miak poliui ayakmo yetos (1 Corintios 15:26).

Mikilistli amo toyolikni. Pampa akin kuali mokuayejyekoa amo kineki mikis. Uan ijkuak tikitaj itlaj techmiktis san niman ticholoaj. Uan ijkuak timokokoaj san niman tiktemoaj ken uelis timopajtiskej. Timochijchikauaj pampa tikkixtiskej nochi tlamantli tlen uelis techmiktis.

¿Uelis se tonal ayakmo yetos mikilistli? Kema. Jehová, akin oTechchijchi amo kineki ma tiyoltokan san seki kauitl. Ye amo okinekiaya ma timikikan. Ye okinekiaya ma tiyoltokan nochipa itech Tlaltikpak, uan ye kichiua nochi tlen kineki (Isaías 55:11).

¿Ken kachiuas toTajtsin Dios mikilistli? Yiuejkika tlaltikpaktlakamej kinekij kitlajtlamiskej mikilistli, pero amo ueli kichiuaj. Uan axkan noijki mochijchikauaj. Akinmej tlapajtiaj kinpiaj miakej inyecciones noso pajtli tlen kichiua amo okachi ma timokokokan. Momachtijtokej ken tichijchitokej. Uan itech miakej uejueyij altepemej axkan okachi miak xiuitl yoltokej. Pero amo ueli kachiuaj mikilistli. Pampa ken kijtoa Biblia tinochtin timokuepaj tlalpinoli (Eclesiastés 3:20).

Pero onka kuali tlajtolmej: amo tikchiaj itlaj ma kichiuakan tlaltikpaktlakamej pampa ayakmo ma timikikan. Jehová yokichi nochi tlen moneki pampa ayakmo ma timikikan, uan pampa techmakixtis okitekitilti Jesús.