Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Akin Tetlapouijtok  |  Febrero de 2015

 TLAMACHTIL TLEN IKA PEUA | ¿MITSPAKTIA MOTEKI?

¿Ayakmo kinpaktia tekitiskej chikauak?

¿Ayakmo kinpaktia tekitiskej chikauak?

Alex elsijsiui ijkuak kitlejkoltia saiktlami caja itech camión tlen kiuikas nochi tlamantli, uan ye mokuayejyekoa: “Itech nin tekitl tlen nechsotlaua amo itlaj uelis nikchiuas. ¿Se tonal okachi kuali niyetos? ¡Okachi kuali niyetoskia tla amo chikauak nitekitiskia!”.

Amo san Alex amo kipaktia tekitis chikauak. Se tlakatl tlen itoka Aaron uan tlen kinyektlalia carros kijtoa: “Miakej tlaltikpaktlakamej mokuayejyekoaj tepinati tla amo kipiaj se kuali tekitl. Ijkon tekitiskej hasta ijkuak kipiaskej okse kuali tekitl”.

Miakej tlaltikpaktlakamej kijtoaj yejuan amo katej pampa chikauak tekitiskej. ¿Tleka? Uelis pampa kineltokaj tlen mota itech televisión kanin kijtoa uelis kuali yetoskej uan amo okachi tekitiskej. Mattew, se tlakatl tlen tlayektlalia kijtoa: “Miakej kineltokaj san tekitij chikauak akinmej amo itlaj inpati innemilis”. Se tlakatl tlen tlachipaua kijtoa: “Tlaltikpaktlakamej kinekij kitlaniskej miak tomin ken yiuejkika, pero amo kinekij tekitiskej chikauak”.

Pero onka miakej tlaltikpaktlakamej akinmej kinpaktia tekitiskej chikauak. Daniel, se tlakatl tlen kinchijchiua kalmej uan kipia 25 xiuitl kijtoa: “Sapanoa niyolpaki, uan okachi ijkuak kuali nikchiua noteki”. Andre, akin kipia 23 xiuitl noijki kijtoa: “Nikneltoka san uelis tiyolpakiskej uan kuali tiyetoskej tla tiyolpakij itech toteki. Tla amo okachi titekitis amo tiyolpakis, san timosotlauas”.

¿Tleka Daniel uan Andre yolpakij itech inteki? Kichiuaj tlen kijtoaj Biblia. Itech Biblia techiluia moneki timochijchikauaskej uan amo ma timosotlauakan, pero noijki techyekiluia ma tiyolpakikan ika tlen tikchiuaj.

¿Tlen tlamachtilmej itech Biblia uelis mitspaleuiskej xiyolpaki itech moteki? Timitsyoleuaj itech okse tlamachtil xiktlajtolti seki tlamantli tlen mitspaleuiskej.