Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Akin Tetlapouijtok  |  Diciembre de 2014

TLAMACHTIL TLEN IKA PEUA | UELIS TIMOUIKAS IUAN TOTAJTSIN DIOS

¿Timotlapouia iuan toTajtsin Dios?

¿Timotlapouia iuan toTajtsin Dios?

Akinmej kuali mouikaj nochipa motlapouiaj, uelis ika teléfono, carta, Internet noso ijkuak motaj. Noijki, pampa uelis timouikaskej iuan toTajtsin Dios moneki iuan timotlapouiskej nochipa. Pero ¿ken uelis tikchiuaskej?

Uelis tikchiuaskej ika tlatlaujtilistli. Timotlapouiskej iuan toTajtsin Dios amo ken timotlapouiskej iuan se tlaltikpaktlakatl. Moneki tikajsikamatiskej ijkuak tiktlatlaujtiaj toTajtsin Dios timotlapouijtokej iuan akin oKichijchi nochi, ik non, moneki tiktlakaitaskej. Uan pampa ma techkaki toTajtsin Dios moneki tikchiuaskej seki tlamantli. Ma tikitakan eyi tlamantli.

Achto san moneki tiktlatlaujtiskej Jehová, amo tiktlatlaujtiskej Jesús nion se teotsin nion tlaixkopinalmej (Éxodo 20:4, 5). Biblia techyekiluia: “Amitla manomechtekipacho, yej nochipa xikilikah n Toteko tlan nonkinekih keman nonmotiotsajtsiliah, xiktlajtlanilikah iwa ximotlasojkamatikah” (Filipenses 4:6). Noijki moneki tiktlatlaujtiskej ika itoka Jesucristo, iKone toTajtsin Dios. Uan Jesús okijto san ika ye uelis timotokiskej iuan toTajtsin Dios (Juan 14:6). Uan noijki, tlen tiktlajtlaniliaj toTajtsin Dios moneki tikchiuaskej ijkon ken ye kineki. Biblia kijtoa: “Titlaneltokah inawak Dios, porke tikmatih Ye techkaki tla itla tiktlajtlaniliah non Ye kipaktia” (1 Juan 5:14). *

Akinmej kuali mouikaj nochipa motlapouiaj

Amo uelis kuali timouikaskej iuan ikaj tla san se tlajtoa; ome moneki kimatiskej keman tlakakiskej uan keman tlajtoskej. Noijki tejuan moneki tikkakiskej ijkuak toTajtsin Dios techtlapouia. Pero ¿ken techtlapouia toTajtsin Dios?

Axkan kichiua ika iTlajtol, Biblia (2 Timoteo 3:16, 17). Se neskayotl, ximokuayejyeko se moyolikni omitsijkuilili se amatl. Ijkuak tiktlajtoltijtok amatl tikneltoka ye mitstlapouijtok, ¿amo melauak? Noijki ijkuak tiktlajtoltiaj Biblia, tikkauiliaj toTajtsin Dios ma techtlapoui. Ik non, Gina, tlen otechilui tlen kineltoka itech achto tlamachtil, okijto: “Tla nikneki kuali nimouikas iuan toTajtsin Dios, moneki ma niktlajtolti amatlajkuilol tlen nechmaka, Biblia”. Uan noijki kijtoa: “Okachi nimotokia iuan Jehová pampa mojmostla niktlajtoltia Biblia”. ¿Tejuatsin tiktlajtoltia mojmostla? Tla ijkon tikchiua, tikkauilis Jehová ma mitstlapoui uan okachi itech timotokis.

^ párr. 5 Tikajsis okseki tlapaleuilistli pampa tiktlajtlaujtis toTajtsin Dios itech tlamachtil 17 itech amochtli ¿Tlen melauak tlamachtia Biblia?, tlen kichijchiuaj iTlaixpantijkauan Jehová.