Xikita nochi

Tlen kiualika

Tla tikmatok tlen moneki tikchiuas, amo tikinkauilis oksekimej ma mitsiluikan tlen moneki tikchiuas.

TELPOKAMEJ UAN ICHPOKAMEJ

9: Xikilnamikto tlen tikneki tikchiuas

9: Xikilnamikto tlen tikneki tikchiuas

¿TLEN KIJTOSNEKI?

Sekimej amo san mitsixmatij porque kimatij motoka, noijki mitsixmatij ika tlen tikchiua, tlen tikneltoka uan ken tikpia moyelis.

¿TLEKA MIAK IPATI?

Moneki tikmatos tlen tikneki tikchiuas porque ijkon tikchiuas tlen moneki uan amo tikinkauilis oksekimej telpokamej uan ichpokamej ma mitsiluikan tlen tikchiuas.

Se telpochtli tlen itoka Adrian okijto: “Miakej amo kipejpenaj tlen kichiuaskej uan hasta oksekimej kinmiluiaj ken motlakentiskej”.

Se ichpochtli tlen itoka Courtney okijto: “Nikchiua tlen kuali maski ualeua nikita oui. Nikmatok akinmej melauak inmiuan nimouika porque kichiuaj tlen moneki uan niyolpaki ijkuak inmiuan nika”.

PRINCIPIO BÍBLICO: “Ayakmó xinemikah kemi nemih n tlaltikpaktlakah, yej xikpatlakah nomotlayejyekolis” (Romanos 12:2).

¿TLEN UELIS TIKCHIUAS?

Para tikmatis tlen mitspaktia uan tlen tikneki tikchiuas, ximokuayejyeko tlen tikmati tikchiuas, tlen tikita oui uan tlen tikneltoka. Para tikmatis ximotlajtlani.

Tlen tikmati tikchiuas: “¿Tlen tlamantli nikchiua uan kuali kisa? ¿Tlen okachi kuali nikchiua? ¿Nikmati nimochias? ¿Nitlajkajtilia, nechpaktia nitekipanos uan niktemakas tlen nikpia? ¿Tlen nikmati nikchiuas?”.

NIN UELIS TIKCHIUAS: Tla amo tikmati tlen kuali tikchiua, xikinmilui motatajuan noso se moyolikni ma mitspaleui.

PRINCIPIO BÍBLICO: “San tejwah matimoyejyekokah kox kuali tinemih, iwa tla tikmachiliah kuali tiyeknemih, matipakikah iwa amo matikimitakah kox kuali noso amo kuali tlan kichiwah oksikimeh” (Gálatas 6:4).

Tlen tikita oui: “¿Tlen moneki nikpatlas itech nonemilis? ¿Keman okachi nechyoltilana tlen amo kuali? ¿Keman moneki okachi nimochias?”.

PRINCIPIO BÍBLICO: “Tla tikijtoah amo tikpiah tlajtlákoli, san tejwah timokajkayawah” (1 Juan 1:8).

Tlen tikneltoka: “¿Tlen nechpaleuia itech nonemilis uan tleka? ¿Nikneltoka kajki toTajtsin Dios? ¿Tleka nikmatok melauak kajki? ¿Tlen amo nechpaktia ma kinchiuilikan oksekimej uan tleka? ¿Tlen nimokuayejyekoua panos satepan?”.

PRINCIPIO BÍBLICO: “Tla kuali timokuayejyekoua, kuali tiyetos uan timomakixtis tla tikmati tlen kuali uan tlen amo kuali” (Proverbios 2:11).