Xikita nochi

Tlen kiualika

Tla ijkuak mitstlanetiaj tomin tiktekopilia, oksepa mitstlanetiskej, noijki ijkon tla tikchiua tlen tikijtoua, motatajuan mitsneltokiliskej.

TELPOKAMEJ UAN ICHPOKAMEJ

10: Xikchiua tlen tikijtoua

10: Xikchiua tlen tikijtoua

¿TLEN KIJTOSNEKI?

Akin kichiua tlen kijtoua kintlakaita tlanauatilmej uan amo tlakajkayaua. Ik non, itatajuan, akinmej inmiuan mouika uan akinmej kitlakeuaj kitlakaitaj.

¿TLEKA MIAK IPATI?

Tla tikchiua tlen tikijtoua, mitskauiliskej xikchiua okseki tlamantli.

Se ichpochtli tlen itoka Sarahi okijto: “Tla tikneki motatajuan ma mitskauilikan xikchiua okseki tlamantli, moneki tikteititis ayakmo tikchiua ken se konetl uan noijki moneki tikchiuas tlen tikijtoua, amo san ijkuak inmiuan tika”.

PRINCIPIO BÍBLICO: “Nomejwah nomonewiah ximoyejyekokah” (2 Corintios 13:5).

¿TLEN UELIS TIKCHIUAS?

Tlen timomachtiskej mitspaleuis xikinmititi motatajuan tikchiua tlen tikijtoua.

Amo xitlakajkayaua. Tla titlakajkayaua, ayakmo mitsneltokiliskej. Pero tla nochipa tikijtoua tlen melauak maski timotlapololtia, oksekimej kineltokaskej ijkuak itlaj tikijtoua.

Se telpochtli tlen itoka Caiman okijto: “Amo oui tikijtoskej tlen melauak ijkuak tikmatokej techpaleuis pero tla noijki tikijtouaj tlen melauak maski tikmatokej techtlajyouiltis, oksekimej nochipa techneltokiliskej”.

PRINCIPIO BÍBLICO: “Porke tiknekih tikchiwaskeh nochi tlan kuali” (Hebreos 13:18).

Xikchiua tlen moneki. Ompa Estados Unidos okichijkej se encuesta uan okitakej okachi kintlakeuaj akinmej kinpaktia tekipanoskej uan kichiuaj tlen kijtouaj. Tla amo san mitsiluijtokej tlen tikchiuas, ijkuak ayakmo tichantis inmiuan motatajuan yitikmatis tlen moneki tikchiuas.

Se ichpochtli tlen itoka Sarah okijto: “Notatajuan kitaj ijkuak itlaj nikchiua maski amo onechnauatijkej, ik non, kimatokej nikchiuas tlen moneki”.

PRINCIPIO BÍBLICO: “Nimitsixmatok titetlakitak, iwa kuali nikmatok te tikchiwas okachi de tlan nimitstlajtlanilia” (Filemón 21).

Xikmati timochias. San niman tikitaj ijkuak ikaj yomoskalti. Pero amo mota kox mokuayejyekoua ken moneki.

Se telpochtli tlen itoka Brandon okijto: “Tla tikneki motatajuan ma kineltokakan tlen tikijtoua, moneki nochipa timochijchikajtos”.

PRINCIPIO BÍBLICO: “Xitexikokah” (Colosenses 3:12).