Xikita nochi

Tlen kiualika

Timouikaskej iuan toTajtsin Dios tla tikixmatij

Timouikaskej iuan toTajtsin Dios tla tikixmatij

ToTajtsin Dios amo san kipia chikaualistli, ye noijki yolkuali. Kineki ma tikixmatikan uan iuan ma timouikakan, ik non, techiluia ken kipia inemilis (Juan 17:3; Santiago 4:8).

ToTajtsin Dios kipia itoka

“Nochtin ma kimatikan te motoka Jehová, san te okachi tiUeyititok ipan nochi tlaltikpak” (SALMO 83:18).

Biblia kiteititia Jehová san ye akin melauak kajki, tlen onka itech iluikak ye okichijchi uan noijki okichi ma yolto nochi tlen onka. Ik non, san ye kinamiki ma tikueyichiuakan (Apocalipsis 4:11).

Jehová techtlasojtla

“Dios Ye n tlasojtlálistli” (1 JUAN 4:8).

Ika Biblia uan ika tlen ye okichijchi techititia ken Jehová, ye okachi kiteititia techtlasojtla porque yokichi miak tlamantli para tejuan. Ijkuak tikixmatij okachi iuan timouikaj.

Jehová tetlapojpoluia

“Te tiDios titetlapojpoluia” (NEHEMÍAS 9:17).

Jehová kimati titlajtlakolejkej, ik non, kineki techtlapojpoluis. Tla tiktlatlaujtiaj ma techtlapojpolui uan ayakmo tikchiuaj tlen amo kuali, ye techtlapojpoluis uan amo techtlajyouiltis (Salmo 103:12, 13).

Jehová kineki ma tiktlatlaujtikan

“Jehová amo uejka kajki itech akinmej kitlatlaujtiaj [...]; ye kinkaki ijkuak kitlatlaujtiaj ma kinpaleui uan kinmakixtia (SALMO 145:18, 19).

Jehová amo kineki ma tikueyichiuakan ika teotsitsintin nion ika okseki tlamantli tlen miakej kitekitiltiaj. Ye kikaki ijkuak tiktlatlaujtiaj ijkon ken se teta kinkaki inkoneuan ijkuak kitlapouiaj.