Xikita nochi

Tlen kiualika

Tiyolpakiskej tla tikintlakamatij itlanauatiluan toTajtsin Dios.

ToTajtsin Dios kinteochiua akinmej kitlakamatij

ToTajtsin Dios kinteochiua akinmej kitlakamatij

Moisés okijto toTajtsin Dios techteochiuas tla tikintlakamatij itlanauatiluan (Deuteronomio 10:13; 11:27). Amo tiktlakamatij toTajtsin Dios porque timomojtiaj ma techtlajyouilti. Ye kipia kualtsin iyelis uan non techyolinia ma tiktlasojtlakan uan amo ma tikyolkokokan. “Tejwah tiktenextiah tiktlasojtla Dios keman tikintlakitah itlanawatilwah, iwa amo owi se kintlakita” (1 Juan 5:3).

¿Ken techteochiuas toTajtsin Dios tla tiktlakamatij? Ma tikitakan ome tlamantli.

1. TIMOCHIUAJ TIIXTLAMATKEJ TLA TIKTLAKAMATIJ TOTAJTSIN DIOS

“Nin tlen okijto akin omitsmakixti, akin Santo itech Israel: Ne Jehová nimoDios, ne akin nimitsmachtia para kuali xiyeto, akin kichiua xinejnemi itech ojtli kanin moneki tias” (ISAÍAS 48:17).

Jehová akin otechchijchi techixmati uan techyekana ken moneki. Tla tiknekij ma techpaleui tlen techiluia toTajtsin Dios, moneki ma timomachtikan iTlajtol uan ma tikchiuakan tlen ompa kijtoua.

2. TIYOLPAKIJ TLA TIKTLAKAMATIJ TOTAJTSIN DIOS

“Okachi kuali yolpakilisojkeh akimeh kikakih itlajtol Dios iwa kitlakitah!” (LUCAS 11:28).

Axkan miakej kitlakamatij tlen kijtoua iTlajtol toTajtsin Dios uan yolpakij. Ma tikitakan tlen okipanok se tlakatl tlen chanti España. Nochipa okualaniaya uan okichiuiliaya tlen amo kuali isiua uan oksekimej. Se tonal okitlajtolti tlen okijkuilo Moisés. Ompa kijtoua ikone Jacob tlen omotokayotiaya José okipiaya kualtsin iyelis. Ye okinemakakej ken se tlakeuali uan okitsakej maski amitlaj okichi. Pero José nochipa okatka yolyamanki uan oteiknomatiaya (Génesis, capítulos 37 a 45). Non tlakatl okijto: “Onechpaleui ma nimokuayejyeko uan ma nikpatla noyelis uan ayakmo san niman ma nikualani. Axkan niyolpaki iuan nofamilia”.

ITlajtol toTajtsin Dios techiluia ken timouikaskej iuan oksekimej. Non tikitaskej itech okse tlamachtil.