Xikita nochi

Tlen kiualika

Profetas okijkuilojkej ken iyelis toTajtsin Dios

Profetas okijkuilojkej ken iyelis toTajtsin Dios

Yiuejkika toTajtsin Dios okinnauati profetas ma kijkuilokan tlen okinekiaya kitematiltis. ¿Ompa techiluia toTajtsin Dios tlen tikchiuaskej tla tiknekij ma techteochiua? Kema. Ma tikitakan tlen techmachtia tlen okijtojkej eyi profetas.

ABRAHÁN

ToTajtsin Dios amo techikoita uan kineki techteochiuas.

ToTajtsin Dios okilui Abrahán: “Nochtin familias por te nikinteochiuas” (Génesis 12:3).

¿Tlen techmachtia? ToTajtsin Dios techtlasojtla uan kineki kinteochiuas tlakamej, siuamej uan konemej tlen kitlakamatij.

MOISÉS

ToTajtsin Dios teiknomati uan kinteochiua akinmej mochijchikauaj kuali kixmatiskej.

ToTajtsin Dios okipaleui Moisés ma kinchiua milagros. Pero Moisés okilui: “Techmachti motlanauatiluan para ma nimitsixmati uan techselis” (Éxodo 33:13). ToTajtsin Dios okipakti tlen okitlajtlanili, ik non, okipaleui ma yeto ixtlamatki uan okipaleui ma kajsikamati ken iyelis uan tlen okinekiaya kichiuas. Moisés okimatki toTajtsin Dios “teiknomati uan teajsikamati” (Éxodo 34:6, 7).

¿Tlen techmachtia? ToTajtsin Dios kineki kinteochiuas tlakamej, siuamej uan konemej tlen mochijchikauaj kixmatiskej. ITlajtol techiluia ken moneki tikueyichiuaskej uan kijtoua kineki techteochiuas.

 JESÚS

Jesús okiteititi oteiknomatiaya uan miakej okinpajti.

ToTajtsin Dios nochipa techteochiuas tla tikmatiskej tlen okichi Jesús uan tlen otlamachti.

ITlajtol toTajtsin Dios techtlapouia tlen okichi Jesús uan tlen otlamachti. Ye okipaleui Jesús ma kichiua milagros. Okinpajti akinmej amo otlachiayaj, akinmej amo otlakakiayaj uan akinmej amo ueli onejnemiayaj. Noijki okinyoliti sekimej tlen yoixpolikaj. Jesús okiteititi tlen kichiuas toTajtsin Dios uan okijto tlen moneki tikchiuaskej tla tiknekij ma techteochiua. Okijto: “Tla mitsixmatiskeh sanwel Tejwatsi n de milajka Dios, iwa Cristo Jesús, Akin Tejwatsi otikwaltítlanki, kipiaskeh n yolílistli tlan ayik tlamis” (Juan 17:3).

Jesús okiteititi oteiknomatiaya uan otetlasojtlaya. Miakej tlakamej uan siuamej okichijkej tlen okinmilui: “Xikwikakah notlamamal, iwa xikchiwakah tlan Ne nikchiwa, porke Ne niyolyámanki iwa niteiknoma. Iwa nonkajsiskeh yolsewílistli” (Mateo 11:29). Ijkuakon tlakamej okintlajyouiltiayaj siuamej pero Jesús okintlakaitak uan okinpaleui.

¿Tlen techmachtia? Jesús nochtin okintlasojtlaya uan otechititi ken moneki titetlasojtlaskej.

JESÚS AMO DIOS

ITlajtol toTajtsin Dios kijtoua “san se Dios tikpiah” uan Jesús okitematilti tlen ye okilui (1 Corintios 8:6). Jesús okijto iTajtsin okachi ueyititok uan ye okiualtitlanki (Juan 11:41, 42; 14:28). *

^ párr. 17 Tla tikneki tikmatis okachi akin Jesús, xikita amatlajkuilol Kuali tlajtolmej techmaka toTajtsin Dios itech tlamachtil 4. Noijki uelis tikkixtis itech www.jw.org.