Xamo tikinmati textos tlen sapanoua mitspaktiaj. Xamo tikmati se texto tlen mitsyolchikaua noso mitspaleuia. Noso xamo tikmati se texto tlen mitspaleuia amo ximokuayejyeko tlen amo kuali noso tikpia se texto tlen ika tikinyolchikaua tokniuan (Sal. 119:​11, 111). Xamo ualeua tikita oui tikilnamikis se texto noso amo tikilnamiki kanin ijkuilitok. Matikitakan seki tlamantli tlen techpaleuis matikilnamikikan se texto.

• Xiknejneki etiquetas tlen kipia JW Library^®. Ijkuak tiktlajtoltis Biblia itech JW Library, xiktlalili se etiqueta kanin makijto “textos tlen nechpaktiaj” uan ijkon tikilnamikis ijkuak monekis.

• Xiktlali texto kanin mamota. Sekimej tokniuan kijkuilouaj se texto itech se amatsintli uan kipepechouaj itech espejo noso itech refrigerador. Oksekimej kikixtiliaj se foto uan kitlaliaj itech incelular noso itech incomputadora.

• Xikinmijkuilo amatsitsintin. Itech se amatsintli xikijkuilo kanin moajsi se texto uan oksekan nochi xikijkuilo. Satepan xikita kanin ijkuilitok texto uan ijkon tikilnamikis nochi tlen kijtoua.