Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Akin Tetlapouijtok (tlen ika timomachtiaj)  |  Junio de 2017

¿Tikilnamiki?

¿Tikilnamiki?

¿Yotikintlajtolti saiktlami revistas Akin Tetlapouijtok? Xikita kox uelis tikinnankilis ninmej tlajtlanilmej:

Ijkuak itlaj kinauatia Jehová ialtepe, ¿tlen moneki kichiuaskej tlayekankej itech tlanechikolmej, tlayekankej itech circuito uan oksekimej?

Moneki san niman tetlakamatiskej. Uelis motlajtlaniskej: “¿Nikinpaleuia oksekimej ma kipiakan chikauak intlaneltokilis? ¿San niman niktlakamati tlen nechnauatiaj?” (w16.11, página 11).

¿Keman opejki kinnauatia Babilonia akinmej melauak kichiuaj ken Cristo?

Ijkuak otlanki omikej tlatitlanilmej. Opejkej mokajkalakiaj teopixkej. Teopan uan oksekimej tlen amo okichiuayaj tlen kijtoa Biblia okinpojpolojkej akinmej okichiuayaj ken Cristo uan okinpanok ijkon ken trigo. Pero achto ajsiskia 1914, akinmej okichiuayaj ken Cristo opejkej kisaj itech tlaneltokalistli tlen amo melauak (w16.11, páginas 23 a 26).

¿Tleka “akin sa kilnamiktok kichiwas tlan ikuerpo kelewia” amo noijki ijkon “akin motekipachoa kichiwas tlan n Espíritu kineki”? (Rom. 8:6)

Akin san kilnamiktok tlen kineki kichiuas itlalnakayo, san itech mokuayejyekojtok uan nochipa itech tlajtoa. Akin motekipachoa kichiuas tlen espíritu kineki, kichiua tlen kineki toTajtsin Dios uan mokuayejyekoa ken ye. Kikauilia espíritu ma kiyekana itlalnamikilis. Akin san kilnamiktok tlen kineki itlalnakayo kijtosneki mikilistli uan akin kitekipachoa kichiuas tlen espíritu kineki kijtosneki yolilistli uan yolseuilistli (w16.12, páginas 10 a 14).

¿Tlen mitspaleuis amo okachi ximotekipacho?

Achto xikchiua tlen okachi moneki, xikilnamiki amo uelis nochi tikchiuas, xikxelo kauitl para timoseuis, xikita tlen Jehová okichijchi, xiyolpaki uan xiuetska, xikchiua ejercicio uan kuali xikochi (w16.12, páginas 18 a 20).

¿Tleka moneki ma tiyetokan tiyolyamankej?

Tla tiyolyamankej, tikijtoskej amo uelis nochi tikchiuaskej. Ma tikilnamiktokan tlen tikchiuaskej uelis kinmijtlakos oksekimej uan amo melauak tikchiuaskej ken moneki (w17.01, página 16).

¿Tlen kiteititia Jehová noijki okinyekanki akinmej opouiayaj itech cuerpo gobernante itech achto siglo, ijkon ken noijki akinmej axkan pouij itech Cuerpo Gobernante?

Espíritu santo okinpaleui ma kajsikamatikan tlen kijtoa Biblia, noijki otlapaleuijkej ángeles ma tetlapouikan tokniuan uan noijki omoyekankej ika iTlajtol toTajtsin Dios. Ijkon ken axkan kichiuaj (w17.02, páginas 23 a 26).

¿Se tokni uelis kipatlas tlen yokipejpenkej kichiuas?

Maski moneki tikchiuaskej tlen yotikijtojkej ualeua oksepa moneki timokuayejyekoskej tlen otikijtojkej tikchiuaskej. Ijkuak ninivitas omoyolkuepkej, toTajtsin Dios okijto ayakmo kipojpoloskia non altepetl. Tla itlaj mopatla itech tonemilis noso tikseliaj yankuik tlamachtil, uelis monekis tikpatlaskej tlen yotikijtojkej tikchiuaskej (w17.03, páginas 13 uan 14).

¿Tleka amo kuali tikijtojtinemiskej tlen amo kuali otechchiuilijkej?

San okachi tikueyitiliskej ouijkayotl tla tikijtojtinemiskej. Maski otechchiuilijkej itlaj tlen amo kuali noso amo, tikijtoskej itlaj tlen teyolkoko amo kiyektlalis ouijkayotl (w17.04, página 18).