Ipan nochi tlaltikpak onka guerra, miakej mokualaniaj uan momijmiktiaj. Ikinon akinmej tlapaleuiaj itech Naciones Unidas uan oksekimej kintitlanij akinmej uelis tlapaleuitiuij kanin mokualaniaj. Ijkon kinpaleuiaj oksekimej kuali mayetokan. a António Guterres tlen kajki ken secretario itech Naciones Unidas, okijto: “Tikneltokaj uelis tlapaleuiskej akinmej tikintitlanij makinpaleuitij oksekimej kuali mayetokan”.

 Yimiak xiuitl otlapaleui tlen kichiuaj akinmej kintitlanij makinpaleuitij oksekimej kuali mayetokan. Yokinpaleuijkej miakej kanin mokualaniaj, miakej yokinpaleuijkej mamokopakan inmialtepe uan oksekimej yokinmakakej seki tlamantli tlen kinpoloua. Noijki yokichijkej miak tlamantli para makipiakan kanin mopaleuiskej oksekimej. Pero ualeua amo ueli nochtin kinpaleuiaj porque amo nochi ueli kichiuaj. ¿Kox ikaj uelis tlapaleuis nochtin kuali mayetokan? ¿Tlen kijtoua iTlajtol toTajtsin Dios?

Biblia kijtoua tlen techpaleuis tinochtin kuali matiyetokan uan tleka amo okachi tlapaleuiaj akinmej kintitlanij makinpaleuitij oksekimej

 Ualeua kitaj oui tlapaleuiskej porque personas amo tlapaleuiaj. Amo ueli san niman tlapaleuiaj kanin kintitlanij porque amo tlapaleuiaj soldados, amo tlapaleuiaj akinmej pouij itech organizaciones nion akinmej ompa chantij. Kitaj oui mosepanpaleuiskej porque tlatlamantli mokuayejyekouaj uan tlatlamantli tlen kinekij kichiuaskej.

 Biblia kijtoua tlen tlapaleuis nochtin kuali mayetokan: “ToTajtsin Dios tlen kajki iluikak kitlalis se tekiuajkayotl [...]. Kintlajtlamis uan kinmachiuas nochi ninmej tekiuajkayomej uan ye nochipa yetos” (Daniel 2:44).

 Amo kipiaj nochi tlen moneki. Amo miakej kintitlanij matlapaleuitij kanin moneki, amo kinmajxilia tomin tlen kinejnekij uan okseki tlamantli ikinon amo ueli nochtin kinpaleuiaj. Noijki kanin kintitlanij amo okachi ueli tlapaleuiaj porque uelis itlaj kinpanos.

 Biblia kijtoua tlen tlapaleuis nochtin kuali mayetokan: “ToTajtsin tlen ueyititok [...] okitlali [Jesús] iyekma ompa iluikak. Okachi okiueyitlali amo ken tekiuajkej, akinmej tlanauatiaj, akinmej chijchikauakej uan tlayekankej” (Efesios 1:17, 20, 21).

 ToTajtsin Dios Jehová, b okitlali Jesús makiyekana iTekiuajkayo uan yokimakak nochi tlen moneki para matlanauati (Daniel 7:13, 14). c ToTajtsin Dios okimakak Jesús chikaualistli uan ixtlamatilistli tlen amo kipia nion se tekiua uan nion se organización (Isaías 11:2). Noijki Jesús kinyekana miakej ángeles (Apocalipsis 19:14). Ye nochi kiyektlalis.

 Seki tlamantli amo kinkauiliaj makichiuakan. Akinmej kintitlanij makinpaleuitij oksekimej amo ueli nochtin kinpaleuiaj porque amo kinyekiluiaj tlen moneki kichiuaskej noso tekiuajkej kinpiaj seki tlanauatilmej tlen amo kinkauiliaj makichiuakan seki tlamantli. Ikinon amo ueli nochi kichiuaj tlen kinekij para kinpaleuiskej oksekimej.

 Biblia kijtoua tlen tlapaleuis nochtin kuali mayetokan: “Jesús innauak omotoki uan okinmilui: ‘ToTajtsin Dios yonechmaktili nochi tlen onka iluikak uan ipan tlaltikpak’” (Mateo 28:18).

 ToTajtsin Dios yokilui Jesús tlen kichiuas para tinochtin kuali matiyetokan. Noijki yokimaktili chikaualistli para makichiua nochi tlen moneki (Juan 5:22). Jesús nochi kuali kichiuas uan amo keman tlakajkayauas (Isaías 11:3-5). Ikinon Biblia kijtoua Jesús ye “Tekiua tlen kitemaka Yolseuilistli” uan tlanauatis “ika melajkayotl uan ika tlen kuali” (Isaías 9:6, 7).

ITekiuajkayo toTajtsin Dios tlapaleuis kuali matiyetokan

 Akinmej kintitlanij makinpaleuitij kanin itlaj panotok san kinpaleuiaj sekimej uan san tlapaleuiaj kanin kintitlanij. Pero amo uelis kinmiluiskej oksekimej ayakmo mamokokolikan nion mamokualanikan.

 Dennis Jett tlen otlajtouaya ipatka tekiua tlen tlanauatia Estados Unidos, okijto: “Axkan ayakmo ueli tikinpaleuiaj oksekimej kuali mayetokan”.

 ITekiuajkayo toTajtsin Dios techpaleuis kuali matiyetokan uan ayakmo ikaj mamokokoli. Ijkuak Jesús okatka nikan tlaltikpak, okinmachti idiscípulos ken moneki moyekuikaskej uan okinmititi ken moneki motlasojtlaskej. Matikitakan tlen okinmilui:

 Jesús okijto motlasojtlaskiaj akinmej kinnauatiskia iTekiuajkayo toTajtsin Dios. Akinmej tekokoliaj amo pouiskej itech nin Tekiuajkayotl. Matikinmitakan seki textos:

 Jehová otechchijchi ikinon kimati tlen kichiuas para kuali matiyetokan. San iTekiuajkayo uelis kichiuas kuali matiyetokan.