Xikita nochi

Tlen kiualika

 TIKCHIUAJ KEN CRISTO

¡Ma tikueyichiuakan Jehová!

¡Ma tikueyichiuakan Jehová!

Toyolilis se kualtsin tetliokolil, ika tonemilis ma tikteititikan tikpatioitaj. Tinochtin tiiTlaixpantijkauan Jehová timochijchikauaj tiktekichiuiliskej ika tlen tikmatij tikchiuaskej uan ijkon tikueyichiuaj porque ye otechmakak toyolilis (Sal. 36:9; Apoc. 4:11). Pero ken mojmostla tikpiaj ouijkayotl, ualeua tikilkauaj moneki okachi ma tiktekichiuilikan (Mar. 4:18, 19). Ik non, moneki ma timotlajtlanikan: “¿Nikmakatok Jehová tlen okachi kuali nikpia? (Os. 14:2). ¿Nechkauilia noteki noso tlen nimomachtia, okachi kuali ma nimouika iuan Jehová? ¿Nimokuayejyekoa ken uelis okachi niktekichiuilis Jehová? ¿Ken uelis okachi nitetlapouis?”. Tla tikneki okachi tiktekichiuilis Jehová, xiktlatlaujti ma mitspaleui uan xikpatla tlen moneki itech monemilis. Tikueyichiuaskej mojmostla Jehová techpaleuia kuali ma timomachilikan uan ma tiyolpakikan (Sal. 61:8).

¿Akin tiktekichiuilijtok ika tlen tikmati tikchiuas?

IJKUAK YONANKITAKEJ VIDEO XIKUEYICHIUA JEHOVÁ IKA TLEN TIKMATI TIKCHIUAS, XIKINNANKILIKAN NINMEJ TLAJTLANILMEJ:

  • ¿Tleka amo kuali tiktekitiltis tlen tikmati tikchiuas itech tlen kiyekana Satanás? (1 Juan 2:17).

  • ¿Tlen tlateochiualistli kipiaj akinmej kimakaj Jehová tlen okachi kuali kipiaj?

  • ¿Ken okachi mitspaktiskia tiktekichiuilis Jehová ika tlen tikmati tikchiuas?