Axkan okachi miak ipati ma titetlapouikan, pampa ueyi tlajyouilistli amo uejka kajki (Prov. 24:11, 12, 20). Uelis tikinpaleuiskej tlaltikpaktlakamej ika tarjetas jw, kinpaleuis ma kimatikan tlen tlamachtia iTlajtol toTajtsin Dios uan uelis kalakiskej itech www.jw.org/ncx. Tarjetas kipiaj se código tlen teuika itech video ¿Tleka moneki timomachtis Biblia? uan noijki teuika kanin uelis kitlajtlaniskej se tlamachtil ika Biblia. Sekimej tlaltikpaktlakamej amo kinekij kinseliskej amatlajkuilolmej, pero kema kinekij kalakiskej itech jw.org. Ijkuakon xikinmaka se tarjeta. Pero amo xikinmaka tarjetas akinmej amo kinekij kikakiskej itlajtol toTajtsin Dios.

San kanin tiyetoskej, uelis tikinmiluiskej: “Nechpaktiskia nimitskajteuilis nin tarjeta. Nin kiteititia ken uelis tikalakis itech se página itech Internet kanin kipia miak tlamantli uan videos tlen tlajtoa itech miakej tlamachtilmej uan amo itlaj tiktlaxtlauas tla tikinkixtis” (Juan 4:7). Ken tarjetas amo uejueyij nochipa uelis tikinuikatinemis pampa tikintemakas ijkuak tikajsis se tlaltikpaktlakatl tlen kineki kikakis.