Xikita nochi

Tlen kiualika

 TIKCHIUAJ KEN CRISTO

Ma timochixtokan uan ma titlaxikokan

Ma timochixtokan uan ma titlaxikokan

¿Yiuejkika tikchixtok ma ualtlanauati iTekiuajkayo toTajtsin Dios? ¿Timochixtok uan titlaxikojtok maski titlajyouia? (Rom. 8:25). Sekimej tokniuan kinkokoliaj, kintlajyouiltiaj, kintsakuaj noso kinmiluiaj kinmiktiskej. Oksekimej tlajyouiaj porque sapanoa mokokoaj noso yikipiaj miak xiuitl.

¿Tlen moneki tikchiuaskej para timochiaskej uan titlaxikoskej? Nochipa ma tiktlajtoltikan Biblia uan itech ma timokuayejyekokan. Noijki nochipa ma tikilnamiktokan tlen Jehová techmakas, ijkon okachi chikauak tikpiaskej totlaneltokilis (2 Cor. 4:16-18; Heb. 12:2). Noijki moneki ma tiktlatlaujtikan Jehová ma techmaka iespíritu santo uan ijkon titlaxikoskej (Luc. 11:10, 13; Heb. 5:7). ToTajtsin Dios techtlasojtla uan techpaleuis nochi ma tikxikokan uan ma tiyolpakikan (Col. 1:11).

XIKITA VIDEO MONEKI MA TIMOTLALOKAN UAN MA TITLAXIKOKAN. MA TITLANELTOKAKAN TITLATLANISKEJ UAN SATEPAN XIKINNANKILI NINMEJ TLAJTLANILMEJ:

  • ¿Tlen “tlamantli tlen amo tikchiaj” uelis techpanos? (Ecl. 9:11).

  • ¿Ken techpaleuia Jehová tla tiktlatlaujtiaj ijkuak titlajyouiaj?

  • Tla ayakmo ueli okachi tiktekichiuiliaj Jehová, ¿tleka moneki ma tikitakan tlen uelis tikchiuaskej?

  • Ma tikilnamiktokan tlen Jehová techtliokolis.

    ¿Tlen mitspaleuia xikneltoka Jehová mitsmakas tlen yokijto?