Xikita nochi

Tlen kiualika

 TIKCHIUAJ KEN CRISTO

Telpokamej uan ichpokamej ximochijchikauakan kuali nantekitiskej

Telpokamej uan ichpokamej ximochijchikauakan kuali nantekitiskej

Ijkuak Jehová okichi Pablo ma kitlajkuilili Tito okilui nochtin telpokamej uan noijki Tito, omonekiaya mochijchikauaskej para nochtin ‘makitakah kuali tlan kichiwah’ (Tito 2:6, 7). Noijki itech non capítulo kijtoa ialtepe toTajtsin Dios mochipauas “para makichiwakah tlan kuali” (Tito 2:14). Ijkuak se tetlapouia uan se tlamachtia, tikchiuaj se tlamantli kuali. Tla ok titelpochtli noso tiichpochtli, ¿uelis timochiuas precursor regular noso precursor auxiliar? Ijkon tikmakas Jehová tlen okachi kuali tikpia (Prov. 20:29).

Achto ximokuayejyeko tlen moneki tikchiuas tla tikneki tiyetos precursor (Luc. 14:28-30). Ximokuayejyeko: ¿Tlen tikchiuas para tikpias tlen ika timopanoltis? ¿Ken tikchiuas para sejse metstli tikajxitis horas? Xikilui Jehová ma mitspaleui (Sal. 37:5). Xikinmilui motatajuan uan oksekimej precursores tlen tikneki tikchiuas. Satepan ximochijchikaua tikchiuas tlen mitsiluiskej para tiyetos precursor. Jehová nochipa mitspaleuis tla timochijchikauas okachi tiktekichiuilis.

IJKUAK YOTIKITAK VIDEO TELPOKAMEJ UAN ICHPOKAMEJ KIUEYICHIUAJ JEHOVÁ, XIKINNANKILI NINMEJ TLAJTLANILMEJ:

  • ¿Tlen okixnamikej sekimej tokniuan para mochiuaskej precursores uan tlen okichijkej?

  • ¿Ken kinpaleuiskej tetajmej inkoneuan ma mochiuakan precursores regulares?

  • ¿Tleka moneki tikijkuiloskej tlen tonal titetlapouiskej?

  • ¿Tlen uelis kichiuaskej tokniuan para kinyolchikauaskej uan kinpaleuiskej precursores?

  • ¿Ken kinteochiua Jehová akinmej mochiuaj precursores?

¿Tlen moneki nikchiuas para niyetos precursor?