Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Mayo de 2016

 TIKCHIUAJ KEN CRISTO

Ken uelis tiktekitiltiskej aplicación JW Library

Ken uelis tiktekitiltiskej aplicación JW Library

IKA TIMOMACHTISKEJ:

  • Xiktlajtolti Biblia uan tlaxelol tlen motlajtoltia mojmostla.

  • Xiktlajtolti amochtli Anuario, revistas uan oksekimej amatlajkuilolmej uan amochmej. Xikintekitilti “Marcadores”.

  • Ximomachti tlen timomachtiskej itech nechikol uan xiktlapalui tlen titlanankilis.

  • Xikinmita videos.

ITECH NECHIKOL:

  • Xikintemo tlaxelolmej tlen moijtoaj. Xiktekitilti “Historial” pampa tikitas tlen tlaxelolmej yotikintemo.

  • Xiktekitilti aplicación JW Library itech nechikol, pampa amo tikinuikas miakej amochmej. Noijki kipia yankuikej tlakuikalmej tlen ayamo katej itech amochtli Ma tiktlakuikilikan Jehová.

ITECH TETLAPOUILISTLI:

  • Tla timotlapouia iuan akin kineki kimatis okachi, xikititi ken motekitiltia aplicaión JW Library uan xikpaleui ma kitemoui non aplicación uan seki amatlajkuilolmej.

  • Xiktekitilti kanin kijtoa “Buscar” pampa uelis tikajsis se tlaxelol itech Biblia. San xikijkuilo se tlajtoli tlen kipia tlaxelol pampa uelis kitemos.

  • Xikititi se video. Tla akin iuan timotlapouia kinpia konemej, uelis tikititis se video itech serie Kuali ximouika iuan Jehová. Noijki uelis tikititis video tlen itoka ¿Tleka moneki timomachtis Biblia?, pampa tikyoleuas ma momachti Biblia. Tla tlajtoa okse tlajtoli, xikinmititi videos ika itlajtol.

  • Xikititi se tlaxelol itech Biblia tlen achto otikkixti. Xiktemo tlaxelol, xikpejpena se número uan satepan oksekimej tlajtolkuepalismej.