Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Marzo de 2016

 OKACHI KUALI MA TITLAMACHTIKAN

Pampa okachi kuali titetlapouiskej: xikijkuilo ken titetlapouis ika revistas

Pampa okachi kuali titetlapouiskej: xikijkuilo ken titetlapouis ika revistas
TIKPATLAS KEN MOTA
Texto
Ken motas

TLEKA MIAK IPATI: Maski itech amatlajkuilol Tlen tiktekitiltiskej itech nechikol kijtoa ken uelis titetlapouiskej, techpaleuia san pampa tikmatiskej ken uelis tikchiuaskej. Uelis tiktekitiltis ken tiknekis. Uelis tikchiuas ken te titetlapouia, noso tiktemos okse tlamachtil tlen kinpaktis tlaltikpaktlakamej. Tla ijkon tikchiuas, achto xiktlajtolti revista, satepan xikita kanin kijtoa Ken uelis titetlapouiskej uan xikinmita videos tlen kiteititiaj ken uelis titetlapouis, ijkon uelis tikijkuilos ken titetlapouis.

KEN UELIS TIKCHIUASKEJ:

¿Titetlapouis ken kijtoa nin amatlajkuilol?

KEMA

  • Xikijkuilo tlen achto tikijtos. Xitetlajpalo uan xikijto tleka otitetlajpaloto. (Se neskayotl: “Onimitstlajpaloko pampa...”).

  • Ijkuak tikchiuilis se tlajtlanilistli, ximokuayejyeko ken uelis tikchiuas pampa tiktlajtoltilis se tlaxelol itech Biblia uan satepan ken uelis tikmakas se revista. (Se neskayotl, pampa uelis tiktlajtoltilis se tlaxelol, uelis tikijtos: “Xikita tlen kijtoa Biblia”).

AMO

  • Xikpejpena se tlamachtil itech revista tlen kinpaktis tlaltikpaktlakamej.

  • Xikchiuili se tlajtlanilistli tlen amo oui kinankilis. (Se neskayotl: xiktekitilti tlajtlanilistli tlen kajki itech página 2 itech revista).

  • Xikpejpena se tlaxelol uan xiktlajtolti. (Tla tiktemakas revista ¡Despertad!, uelis tiktlajtoltis se tlaxelol noso amo, pampa nin revista mochijchiua pampa akinmej amo okachi kimatij itech Biblia, noso amo kipiaj se tlaneltokalistli).

  • Ximokuayejyeko itech se noso ome tlamantli tlen tikyekiluis ken kipaleuis tla kitlajtoltis nin tlamachtil.

XIKCHIUA NIN OME TLAMANTLI

  • Xikchiuili se tlajtlanilistli pampa tiknankilis ijkuak oksepa tiktlapouiti.

  • Xikijkuilo tlen tikneki tikiluis ijkuak oksepa tiktlapouiti.