Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Junio de 2017

 TIKCHIUAJ KEN CRISTO

Ma tikpiakan chipauak tonemilis ken Jehová kineki

Ma tikpiakan chipauak tonemilis ken Jehová kineki

ToTajtsin Jehová techiluia ken moneki tikpiaskej tonemilis. Se neskayotl, otlanauati san uelis monamiktiskej se tlakatl iuan se siuatl uan san sekan nochipa ma chantikan (Mat. 19:4-6, 9). Kijtoa tlajtlakoli nochi tlen poui itech auilnemilistli (1 Cor. 6:9, 10). Noijki kijtoa ken moneki timotlakentiskej uan ijkon amo timotaskej ken akinmej amo kitekichiuiliaj (Deut. 22:5; 1 Tim. 2:9, 10).

Axkan miakej amo kinekij kitlakamatiskej toTajtsin Jehová (Rom. 1:18-32). Motlakentiaj uan kichiuaj ken oksekimej. Uan kinpaktia auilnemiskej uan kinpinauiaj akinmej amo ijkon kichiuaj (1 Ped. 4:3, 4).

TiiTlaixpantijkauan Jehová moneki ma tikpiakan chipauak tonemilis ken Jehová kineki (Rom. 12:9). Uan ijkon tikchiuaj ijkuak tiktematiltiaj ika tlakaitalistli uan tiktlakamatij itlanauatiluan. Se neskayotl, ijkuak tikpejpenaskej ken timotlakentiskej uan timoyektlaliskej, ma timotlajtlanikan: “¿Niktlakamati Jehová noso tlaltikpaktlakamej? Ken nimotlakentia, ¿kiteititia niktekichiuilia toTajtsin Dios?”. Ijkuak tikpejpenaskej tlen tikmauisoskej moneki ma timokuayejyekokan kox kipaktia Jehová, kox techpaleuia itech tonemilis noso kox kichiuas ayakmo chikauak ma tikpiakan totlaneltokilis (Sal. 101:3). Tlen tikpejpenaskej kinpaleuis noso kinmijtlakos tokalchanejkauan uan oksekimej (1 Cor. 10:31-33).

¿Tleka moneki ma tikpiakan chipauak tonemilis ken Jehová kineki? Porque Jesucristo kinpojpolos nochtin akinmej amo yolkualmej (Ezeq. 9:4-7). San momakixtiskej akinmej kitlakamatij toTajtsin Dios (1 Juan 2:15-17). Ik non, nochipa ma tikintlakamatikan itlanauatiluan Jehová uan ijkon akinmej techitaskej kiueyichiuaskej (1 Ped. 2:11, 12).

Ken nimotlakentia uan nimoyektlalia, ¿kiteititia nikintlakamati itlanauatiluan Jehová?

XIKITAKAN VIDEO KUALI XIMOUIKA IUAN JEHOVÁ: SE TLAKATL UAN SE SIUATL, SATEPAN XIKINNANKILIKAN NINMEJ TLAJTLANILMEJ:

  • ¿Tleka moneki ma tikintlakamatikan itlanauatiluan Jehová?

  • ¿Tleka tetajmej moneki kinmachtiskej itlanauatiluan Jehová ijkuak inkoneuan ok moskaltijtokej?

  • ¿Ken uelis telpokamej, ichpokamej uan tetajmej kinpaleuiskej oksekimej ma kinteochiua toTajtsin Dios?