Xikita nochi

Tlen kiualika

 TIKCHIUAJ KEN CRISTO

Xiyolpaki ijkuak titetlapouia kuali tlajtolmej

Xiyolpaki ijkuak titetlapouia kuali tlajtolmej

¿Ualeua tikita oui titetlapouiti? Amo san te ijkon mitspanoa. Ualeua ijkon timomachiliaj ijkuak amo kinekij techkakiskej noso tipinauaj tikintlapouiskej akinmej amo tikinmixmatij. Nochi nin kichiua ma timoyolkokokan. Pero toTajtsin Dios yolpaki uan kineki ma tiyolpakikan ijkuak tiktekichiuiliaj (Sal. 100:2; 1 Tim. 1:11). Ik non, tikitaskej eyi tlamantli tlen techpaleuis ma tiyolpakikan ijkuak titetlapouiaj.

Se: tiktematiltiaj tlen kichiuas toTajtsin Dios. Miakej amo kipiaj se chialistli, ik non, uelis tikinyolchikauaskej ika kuali tlajtolmej itech “itlaj tlen okachi kuali” (Is. 52:7). Kuali tlajtolmej itech iTekiuajkayo toTajtsin Dios noijki techyolpaktia. Achto titetlapouiti, ximokuayejyeko ken techteochiuas iTekiuajkayo toTajtsin Dios.

Ome: iTlajtol toTajtsin Dios kinpaleuia oksekimej itech ma tlaneltokakan uan ma kipatlakan innemilis. Kikauaj tlen amo kuali okichiuayaj, ik non, uelis yoltoskej nochipa (Is. 48:17, 18; Rom. 1:16). Ma timokuayejyekokan titlapaleuiaj ijkuak panoa se tlaxixinilistli uan maski sekimej amo kinekiskej ma tikinpaleuikan, non amo kichiuas ayakmo ma tikintemokan akinmej kinekij momakixtiskej (Mat. 10:11-14).

Eyi: uan tlen okachi ipati, tikueyichiuaj Jehová ijkuak titetlapouiaj uan ye sapanoa kipatioita (Is. 43:10; Heb. 6:10). Techmaka iespíritu santo uan techpaleuia ma titetlapouikan, ik non, ma tiktlajtlanilikan uan ijkon tiyolpakiskej (Gál. 5:22). Jehová touan kajki uan amo timomojtiskej titetlapouitiuij (Hech. 4:31). Uan maski amo kinekiskej techkakiskej, tiyolpakiskej (Ezeq. 3:3).

¿Ken mitspaktiskia timomachilis ijkuak titetlapouiti? ¿Ken uelis tikteititis tiyolpaki?

XIKITAKAN VIDEO OKSEPA NIYOLPAKI NIKTEKICHIUILIA JEHOVÁ, SATEPAN XIKINNANKILIKAN NINMEJ TLAJTLANILMEJ:

  • Maski titetlapouiaj miak horas sejse metstli, ¿tleka moneki nochipa timomachtiskej?

  • ¿Ken uelis tikchiuaskej ken María?

  • ¿Keman timokuayejyekoa itech iTlajtol toTajtsin Dios?

  • ¿Tlen okachi mitspaktia ijkuak titetlapouia?