Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Junio de 2016

 TIKCHIUAJ KEN CRISTO

Pampa okachi kuali titetlapouiskej: ma tikintekitiltikan videos pampa titlamachtiskej tlen melauak

Pampa okachi kuali titetlapouiskej: ma tikintekitiltikan videos pampa titlamachtiskej tlen melauak

TLEKA MIAK IPATI.

Tikinmachtiskej ika videos kuali pampa ajsi itech inyolo tlaltikpaktlakamej, pampa ueli kitaj uan kikakij. Nin kichiua akinmej kitaj video ma mokuayejyekokan itech uan amo san niman ma kilkauakan tlen okitakej. Jehová ijkon kichiua uan techmaka se kuali neskayotl pampa techmachtia ika tlen ueli tikitaj (Hech. 10:9-16; Apoc. 1:1).

Videos ¿Kipia itoka toTajtsin Dios?, ¿Akin iaxka tlen ijkuilitok itech Biblia? uan ¿Uelis tikneltokaskej Biblia kijtoa tlen melauak? kipaleuiaj amatlajkuilol Kuali tlajtolmej techmaka toTajtsin Dios itech tlamachtil 2 uan 3. Videos ¿Tleka moneki timomachtis Biblia?, ¿Ken tikchiuaj se tlamachtil ika Biblia? uan ¿Ken tikchiuaj tonechikoluan? kinyoleuas tlaltikpaktlakamej ma momachtikan uan ma yakan nechikolmej. Noijki seki videos uan películas uelis tikinmitaskej ijkuak timomachtiskej iuan akin tikmachtiaj (km-S 5/13 pág. 3).

KEN UELIS TIKCHIUASKEJ:

  • Achto xikkixti video tlen tikneki tikititis akin tiktlapouis.

  • Ximokuayejyeko itech ome tlajtlanilmej tlen tikchiuilis tlen monankiliaj itech video.

  • San sekan xikitakan video.

  • Ximotlapouikan itech tlen okachi ipati.

XIKCHIUA NIN:

  • Xikititi itech amatsitsintin kanin kajki código QR tlen techuika itech video ¿Tleka moneki timomachtis Biblia?

  • Xikitakan video ¿Uelis tikneltokaskej Biblia kijtoa tlen melauak? uan xikmaka amatlajkuilol Kuali tlajtolmej techmaka toTajtsin Dios. Xikitakan tlamachtil 3.