Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Enero de 2017

 TIKCHIUAJ KEN CRISTO

Ma timotlatlaujtikan intech tokniuan tlen kipiaj ouijkayotl

Ma timotlatlaujtikan intech tokniuan tlen kipiaj ouijkayotl

Itech Biblia moijtoa Satanás amo techkauilis ma titetlapouikan (Juan 15:20; Apoc. 12:17). ¿Uelis tikinpaleuiskej tokniuan tlen kipiaj ouijkayotl itech okseki altepemej? Kema, uelis intech timotlatlaujtiskej. Biblia kijtoa “tiotsajtsílistli non se tlakatl yolchipawak kichiwa ika nochi iyolo, kipia miak weletílistli” (Sant. 5:16).

¿Tlen uelis tiktlajtlaniskej? Ma tikiluikan toTajtsin Jehová ma kinyolchikaua tokniuan uan ma kinpaleui amo ma momojtikan (Is. 41:10-13). Noijki ma timotlatlaujtikan tekiuajkej ma techkauilikan ma titetlapouikan “para matiyetokah ika pakílistli iwa mayeto yolsewílistli” (1 Tim. 2:1, 2).

Ijkuak tlatitlanil Pablo uan Pedro okintojtokakej, akinmej okichiuayaj ken Cristo inpatka omotlatlaujtijkej ika intoka (Hech. 12:5; Rom. 15:30). Tejuan, maski amo tikmatij tlen intoka tokniuan tlen tlajyouijtokej, uelis tikijtoskej intlanechikol, inmialtepe noso san kanin yetoskej.

Xikijkuilo altepemej kanin kintojtokaj tokniuan uan tikneki intech timotlatlaujtis.