Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Abril de 2017

 TIKCHIUAJ KEN CRISTO

Xikyolchikaua tokni tlen ayakmo tetlapouia

Xikyolchikaua tokni tlen ayakmo tetlapouia

Sejse xiuitl, miakej tokniuan tlen ayakmo tetlapouiaj touan monechikoaj ijkuak tikilnamikij iCena toTeko. Achto okitekichiuiliayaj Jehová. Pero satepan ayakmo ijkon okichijkej porque uelis okinpanok miak tlamantli ken kijtoa amatlajkuilol Jehová mitstlatlaujtia iuan ximokuepa (Heb. 12:1). Jehová ok kinpatioita tokniuan tlen ayakmo tetlapouiaj; ye okinko ika ieso iKone (Hech. 20:28; 1 Ped. 1:18, 19). Ik non, ¿ken uelis tikinpaleuiskej oksepa ma kitekichiuilikan Jehová?

Tlayekankej kinmitatiuij tokniuan tlen ayakmo tetlapouiaj uan kinpaleuiaj, ijkon ken kichiua se tlajpixki tlen mochijchikaua kintemoa ichkamej tlen opolikej (Luc. 15:4-7). Nin kiteititia Jehová kintlasojtla tokniuan (Jer. 23:3, 4). Pero amo san tlayekankej uelis kinpaleuiskej ninmej tokniuan, tejuan noijki uelis tikinpaleuiskej. Tla timochijchikauaskej tikinpaleuiskej uan tikintlasojtlaskej, Jehová yolpakis uan tikinyolchikauaskej tokniuan (Prov. 19:17; Hech. 20:35). Ik non, ximokuayejyeko akin uelis tikyolchikauas uan san niman xikchiua.

IJKUAK YONANKITAKEJ VIDEO MA TIKINYOLEUAKAN AKINMEJ AYAKMO TETLAPOUIAJ, XIKINNANKILIKAN NINMEJ TLAJTLANILMEJ:

  • ¿Tlen okichi Abbey ijkuak okixmatki se tokni tlen ayakmo otetlapouiaya?

  • ¿Tleka moneki timotlapouiskej inmiuan tlayekankej tla tiknekij tikpaleuiskej se tokni tlen ayakmo tetlapouia?

  • ¿Ken omoyektlali Abbey ijkuak oksepa okitato Laura?

  • ¿Ken ika tlasojtlalistli Abbey nochipa okipaleui Laura?

  • ¿Tlen techmachtia neskayotl tlen okijto Jesús itech Lucas 15:8-10?

  • ¿Tlen opanok ijkuak tokniuan omochijchikajkej kipaleuiskej Laura?