Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Tlen tiktekitiltiskej itech nechikol  |  Abril de 2016

 OKACHI KUALI MA TITLAMACHTIKAN

Se yankuik tlamantli tlen techpaleuis ma timotlapouikan iuan tlaltikpaktlakamej

Se yankuik tlamantli tlen techpaleuis ma timotlapouikan iuan tlaltikpaktlakamej

Itech metstli enero, xiuitl 2016, saiktlami página itech revista Akin Tetlapouijtok kipia se tlamachtil tlen itoka “¿Tlen kijtoa Biblia?”. Nin techpaleuis ma timotlapouikan iuan tlaltikpaktlakamej itech Biblia. Nin motekitiltia ijkon ken amatsitsintin: kipia se tlajtlanilistli pampa kinankiliskej, kipia se tlanankilistli tlen monankilia ika se tlaxelol itech Biblia uan okseki tlamantli tlen uelis iuan timotlapouis.

Ualeua ikaj akin kuali iuan otimotlapouijtokaj itech Biblia, peua kineki ma tikmachtikan. Xiktekitilti nin tlamachtil pampa tikinmachtis akinmej melauak kineki momachtiskej iTlajtol toTajtsin Dios (Mat. 5:6).

KEN UELIS TIKCHIUASKEJ:

  1. Xiktlajtlani akin iuan timotlapouijtok tlen mokuayejyekoa itech se tlajtlanilistli.

  2. Kuali xikkaki uan xiktlasojkamatili pampa otlanankili.

  3. Xiktlajtoltili tlaxelol tlen kajki kanin kijtoa “Biblia kijtoa” uan xiktlajtlani tlen mokuayejyekoa itech tlaxelol. Tla majxilia, xikintekitilti okseki tlaxelolmej tlen katej kanin kijtoa “¿Tlen okseki kijtoa Biblia?”.

  4. Xikmaka revista.

  5. Ximokaua iuan oksepa timotlapouiti pampa nankitaskej okse tlajtlanilistli.