“Moneki nochipa tikijtos tlen kijtoua nin Tlanauatil, mojmostla tiktlajtoltis uan timokuayejyekos tlen kijtosneki. Tla tiktlakamatis nochi tlen ompa ijkuilitok, kuali tiyetos uan kuali kisas tlen tikchiuas”.

Josué 1:8

“Chikauak okitlajtoltijtokaj libro kanin ijkuilitok iTlanauatil akin melauak toTajtsin Dios, uan kuali okiyekijtouayaj tlen kijtosneki. Ijkon okipaleuijkej altepetl makajsikamati tlen okitlajtoltijtokaj”.

Nehemías 8:8

“Paki tlakatl tlen amo kinkaki akinmej amo yolkualmej [...], porque ye moyolpaktia ika itlanauatil Jehová; tonal uan youak kitlajtoltia uan itech mokuayejyekoua. [...] Kuali kisas nochi tlen ye kichiuas”.

Salmo 1:1-3

“Felipe omotlalo uan okikak non tlakatl chikauak okitlajtoltijtiaya tlen okijkuilo profeta Isaías. Felipe okitlajtlani: ‘¿Melauak tikajsikamati tlen tiktlajtoltia?’. Ye okinankili: ‘¿Ken nikajsikamatis tla amikaj nechmachtia?’”.

Hechos 8:30, 31

“Maski amo tikitaj toTajtsin Dios uelis tikixmatiskej tla timomachtiaj ken okichijchi tlaltikpak uan tla tikitaj nochi tlen okichijchi. Nochi non kiteititia ichikaualis amo keman tlami uan kiteititia ye melauak toTajtsin Dios, ikinon amikaj uelis kijtos amo onka toTajtsin Dios”.

Romanos 1:20

“Ximokuayejyeko nochi nin tlamantli uan xikchiua, para nochtin kuali makitakan mochikajti motlaneltokilis”.

1 Timoteo 4:15

“Matikitakan ken timosepanpaleuiskej uan ijkon okachi timotlasojtlaskej uan tikchiuaskej tlen kuali. Nochipa matimonechikokan”.

Hebreos 10:24, 25

“Tla ikaj kipoloua ixtlamatilistli, nochipa makitlajtlanili toTajtsin Dios uan ye kimakas, porque toTajtsin Dios kitemaka miak ika nochi iyolo uan amo kualani ijkuak kitlajtlaniliaj”.

Santiago 1:5