Job 27:1-23
27 Job ok otlajto uan okijto:
2 “¡Ijkon ken toTajtsin Dios melauak yoltok, akin amo kineki nechchiuilis tlen kuali,ijkon ken akin kipia nochi chikaualis melauak yoltok, akin okichi maniyolchichia,
3 tla ok nimijyotiauan iespíritu toTajtsin Dios ok yetos ijtik noyekatsol,
4 nokamak amo kijtos tlen amo kualinion nonenepil kinmijtos tlajtolmej tekajkayajkej!
5 ¡Amo keman nikijtos melauak tlen namejuan nankijtouaj!
¡Hasta ijkuak nimikis nikpias noyolo ajsitok!
6 Nikijtojtos ne niyolkuali uan nochipa ijkon nikchijtos,ijkuak ok niyoltos noyolo amo nechtlajtlakoltis.
7 Akin nechkokolia makipano ken akin amo yolkualiuan akinmej nechixnamikij makinpano ken akinmej kichiuaj tlen amo kuali.
8 ¿Kox kichia tlen kuali akin teixnamiki ijkuak kipojpolouaj,ijkuak toTajtsin Dios kikuilia iyolilis?
9 ¿Kox kikakis toTajtsin Dios ijkuak kitsajtsilisporque motekipachojtikisas?
10 ¿Kox pakis porque mouika iuan akin kipia nochi chikaualis?
¿Nochipa kitlatlaujtis toTajtsin Dios?
11 Ne itlaj namechmachtis itech ichikaualis toTajtsin Dios,amitlaj namechtlatilis tlen kichiua akin kipia nochi chikaualis.
12 Tla nochtin namejuan itlaj yonamechnextilijkej,¿tleka amo nantlamachtiaj itlaj ipati?
13 ToTajtsin Dios nin tlen kixelilia akin amo yolkuali,akin kipia nochi chikaualis nin tlen kinmaka akinmej tetlajyouiltiaj.
14 Maski kinpiaskej miakej inkoneuan, kinmiktiskej ika espadauan inmixuiuan amo kinmajxilis tlen kikuaskej.
15 Akinmej ok yoltoskej chauistli kinpachos,*uan akinmej mikiskej insiuauan amo kinchokiliskej.
16 Maski kololos plata ken yetoskia tlalpinoli,*uan kinechikos tlakemitl tlen okachi kuali ken yetoskia sokitl,*
17 maski ye kinechikos,non tlakemitl konakis* akin yolkualiuan akin amitlaj itlajtlakol kixejxelos plata.
18 Amo chikauak kali tlen kichiua, yetoskia ken ipoxa se okuili,*ken kaltsintli tlen kichiua akin tlamaluia para ompa mopaleuis.
19 Ijkuak motekas kipias miak tlamantli pero amitlaj kololos,amitlaj yetos ijkuak kintlapos ixtololouan.
20 Tlen temojti kajsitikisa ijkon ken ijkuak tlaatemi,youak ejekakiauitl kiuika.
21 Ejekatl tlen uits ik kanin kisa tonaltsin kiuikas uan ye politeuas,kiuiuitlas kanin yetos.
22 Ejekatl ipan yas uan amo kiknomatis,ye mochijchikauas kicholilis ejekatl chikauak.
23 Yetoskia ken ejekatl kiuetskilia*uan kipinauia* desde kanin kajki”.
