Job 16:1-22
16 Job ijkin otlanankili:
2 “Yimiak uelta ijkon nechiluiaj.
¡San tekualani ken namejuan nantechyolseuiaj!
3 ¿Se tonal tlamiskej tlajtolmej tlen kinuika ejekatl?
¿Tleka ijkon titlanankilia?
4 Ne noijki uelis nitlajtoskia ken namejuan.
Tla namejuan namechpanoskia tlen ne nechpanotok,uelis namechiluiskia miak tlamantli para namechteneuas*uan nikoliniskia notsonteko para namechtlauelitaskia.
5 Pero amo ijkon nikchiuaskia, ne namechiluiskia tlen namechyolchikauaskiauan ika nokamak nikijtoskia tlen teyolchika para namechyolseuis.
6 Tla nitlajtoua, ok nimoyolkokouauan tla nimokamatsakuas, ¿kox nechpaleuis manimoyolseui?
7 Pero toTajtsin Dios okichi manisotlaua,yonechinkixtili akinmej okatkaj nokalijtik.
8 Tejuatsin* techkitskia uan non nechteluia,sapanoua yoniuaki uan non yetoskia ken se testigo tlen noixko nechteluia.
9 Ikualankayo yonechtsatsayanki uan ye nechkokolia.
Ijkuak nechita motlantititsa.
Akin nechkokolia nechtlauelita.
10 San tlen amo yonankijtojkej para nantechixnamikiskejuan yonantechixtlatsinijkej,miakej nanmololouaj para nantechixnamikiskej.
11 ToTajtsin Dios nechtemaktia inmak telpochmejuan inmak akinmej amo yolkualmej.
12 Ne kuali onikatka pero ye onechtsatsayanki.
Ye onechkitski ik nokuexkochko,* onechpatlachouan san nopan okintlamotlak iflechas.
13 Nechyaualouaj itlakeualuan tlen kinejnekij* arco,ye kintsopitia noriñones uan amo nechiknomati,ye kinokia* nochichika ipan tlali.
14 Ne ken se tepamitl tlen ye kitlajtlapana.
Ye nopan uits ken yetoskia se soldado.
15 Yonikijtsonki tlakemitl tetsojtsopiti* para niktlakentis nonakayouan yoniktlalpacho nochikaualis.
16 Yoniixchichileuak porque yonitlauelchokakuan yoniixtlijtlileuak,
17 maski nomauan amitlaj okichijkejuan notlatlaujtilis chipauak.
18 ¡Tlali amo xikpacho* noeso!
¡Nochipa mamokaki tlen chikauak nikijtoua!
19 Axkan notestigo kajki iluikak,akin uelis nechtlajtolpaleuis kajki tlakpak.
20 Ijkuak nichoka ixpan toTajtsin Dios,noyolikniuan nechuetskiliaj.
21 Ikaj matlapaleui matimoyekkauakan ne uan toTajtsin Dios,ijkon ken kipaleuiskia se tlakatl iuan ikni.
22 Porque ayakmo miak xiuitl niyetos,nias ipan ojtli uan ayakmo nimokopas”.
