1 Pedro 5:1-14

  • “Xikinmaluikan ichkatsitsiuan toTajtsin Dios” (1-4)

  • Matiyetokan tiyolyamankej uan matimotlachilijtokan (5-11)

    • Matiktlalikan imak toTajtsin Dios nochi tlen techtekipachoua (7)

    • Diablo yetoskia ken se león tlen tsajtsitinemi (8)

  • Kanin tlami libro (12-14)

5  Ne noijki nitlayekanki, onikitak uan niktematiltia itlajyouilis Cristo uan nikselis ueyitilistli tlen moteititis, ikinon nikintlatlaujtia nin tlamantli tlayekankej tlen namouan katej:  xikinmaluikan ichkatsitsiuan toTajtsin Dios tlen onamechmaktilijkej. Xitlapaleuikan ken tlayekankej ika pakilistli ixpan toTajtsin Dios uan amo xikchiuakan porque namechnauatiaj. Xikchiuakan ika nochi namoyolo uan amo xikchiuakan tlen san namejuan namechpaleuis.  Amo xikchiuakan ken yetoskia nankinnauatiaj akinmej iaxkauan toTajtsin Dios. Okachi kuali, xikinmititikan tlen moneki kichiuaskej ichkatsitsiuan toTajtsin Dios.  Namejuan nankiseliskej corona ueyititok tlen amo keman uakis ijkuak monextis tlajpixki tlen tlayekana.  Noijki namejuan telpochmej, xikinkauilikan manamechyekanakan tlakamej tlen yikipiaj miak xiuitl. Pero nannochtin xiyetokan nanyolyamankej ijkuak nanmouikaj inuan oksekimej, porque toTajtsin Dios kinmixnamiki akinmej moueyinekij pero kintliokolia tlen kuali akinmej yolyamankej.  Ikinon ximochiuakan nanyolyamankej inauak toTajtsin Dios tlen kipia chikaualistli, para ye manamechueyitlali ijkuak ajsis tonal.  Xiktlalikan imak toTajtsin Dios nochi tlen namechtekipachoua, porque ye kitekipachoua tlen namechpanoua.  ¡Nochipa kuali ximokuayejyekokan* uan ximotlachilijtokan! Diablo namechkokolia uan kitemojtinemi akin kikuas ken yetoskia se león tlen tsajtsitinemi.  Pero xikpiakan chikauak namotlaneltokilis para nankixnamikiskej Satanás. Namejuan nankimatij nochtin tokniuan ipan tlaltikpak noijki ijkon tlajyouijtokej. 10  Ijkuak namejuan yonantlajyouijkej kanaj keski tonal, toTajtsin Dios tlen kitetliokolia nochi tlen kuali nochipa namechueyitlalis porque yinankatej iuan Cristo. Ye tlamis namechmachtis, namechchikauas, namechpaleuis amo xikkauakan uan namechpaleuis ximoyekketokan. 11  Ye nochipa makipia chikaualistli. Amén. 12  Tokni Silvano* amo keman kikaua toTajtsin Dios. Ye onechpaleui manamechijkuilili nin carta. Amo onikijkuilo miak tlamantli, pero tlen onikijkuilo namechyolchikauas uan namechmatiltis toTajtsin Dios melauak kitetliokolia tlen kuali. Ximochijchikauakan para ye nochipa manamechtliokoli tlen kuali. 13  Namechontlajpaloua siuatl tlen kajki Babilonia, ye noijki okipejpenkej ken namejuan. Noijki namechontlajpaloua Marcos tlen nikita ken nokone. 14  Ximotlajpalokan ika tlasojtlalistli. Xikpiakan yolseuilistli nannochtin tlen nankatej iuan Cristo.

Notas

Noso “ximonejneuilikan”.
Noijki omotokayotiaya Silas.