Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Xikinmachti mokoneuan

 TLAMACHTIL 3

Rahab otlaneltokaya itech Jehová

Rahab otlaneltokaya itech Jehová

Ma timokuayejyekokan tikatej itech altepetl Jericó. Nin altepetl okatka itech altepetl Canaán kanin tlaltikpaktlakamej amo otlaneltokayaj itech Jehová. Ompa ochantiaya se siuatl tlen omotokayotiaya Rahab.

Ijkuak Rahab okatka ichpochtli, okikak ken Moisés okitlajkoxelo Mar Rojo uan ik ompa opanokej israelitas tlen okiskej itech Egipto. Noijki okikak ken Jehová okinpaleui ma tlatlanikan ijkuak omoteuiayaj iuan akinmej okinkokoliayaj. ¡Axkan ye kikaki israelitas mokajtokej ik Jericó!

Rahab okinpaleui akinmej ichtaka otlachiatoj pampa otlaneltokaya itech Jehová

Se tiotlak, ome israelitas ichtaka otlachiatoj Jericó. Yejuan oajsitoj ikalijtik Rahab. Ye okinmilui ma panokan uan ompa ma mokauakan. Uan ijkuak yiyoak, ueyi tekiua itech Jericó okimatki akinmej ichtaka otlachiatoj okatkaj ikalijtik Rahab. Ik non, ueyi tekiua okintitlanki sekimej tlakamej pampa ma kinkitskikan. Rahab okintlati ninmej ome tlakamej tlakpak ipan ikalijtik, uan okinmilui itekipanojkauan ueyi tekiua: ‘Ninmej tlakamej nikan okatkaj, maski ijkon, yoyajkej. Tla namejuan san niman nanyaskej, uelis nankinkitskiskej’. ¿Tikmati tleka Rahab okinmalui akinmej ichtaka otlachiatoj?... Pampa ye otlaneltokaya itech Jehová uan okimatiaya kinmakaskia israelitas altepetl Canaán.

Achto kisaskiaj itech ikalijtik Rahab yejuan okiluijkej ye uan ikalchanejkauan momakixtiskiaj ijkuak kixpoloskiaj Jericó. ¿Tikmati tlen okiluijkej ma kichiua?... Yejuan okiluijkej: ‘Xikitski nin mekatl chichiltik uan xikpilo itech moventana. Tla ijkon tikchiua, nochtin akinmej yetoskej itech mokalijtik momakixtiskej’. Rahab okichi ijkon ken okiluijkej. ¿Tikmati tlen opanok satepan?...

Jehová okinmakixti Rahab uan ikalchanejkauan

Seki tonalmej satepan israelitas san ichtaka okiyaualojkej altepetl. Itech chikuase tonalmej okiyaualojkej altepetl, se tonal san se uelta. Maski ijkon, itech tonal chikome, okiyaualojkej altepetl chikome uelta. Uan yejuan chikauak otsajtsikej. Jehová okichi ma xixini tepamitl tlen okiyaualoaya altepetl. Maski ijkon, kali kanin opilkatoka  mekatl chichiltik amo ouetski. ¿Tikita itech tlaixkopinal?... Rahab uan ikalchanejkauan omomakixtijkej.

¿Tlen uelis timomachtis itech Rahab?... Rahab otlaneltokaya itech Jehová, ik non, okiseli miakej tlateochiualismej, ximomachti okachi itech ye. Te noijki uelis timomachtis miak tlamantli kualtsin itech Jehová. ¿Titlaneltoka itech Jehová ken Rahab?... ¡Tikmatij titlaneltoka itech!

XIKTLAJTOLTI ITECH MOBIBLIA

  • Josué 2:1-24; 6:1-5, 14, 15, 20-25

  • Hebreos 11:31