Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Xikaki toTajtsin Dios uan tiyoltos nochipa

 TLAXELOL 1

¿Ken tikakij toTajtsin Dios?

¿Ken tikakij toTajtsin Dios?

ToTajtsin Dios techtlapouia ijkuak tiktlajtoltiaj Biblia (2 Timoteo 3:​16)

Akin melauak toTajtsin Dios okinyekanak sekimej tlakamej pampa ma kijkuilokan ikuayejyekoluan itech se amochtli tlen miak ipati. Nin amochtli itoka: Biblia. Kiualika miakej tlajtolmej tlen miak ipati tlen toTajtsin Dios kineki ma tikmatikan.

ToTajtsin Dios kipia miak ixtlamatilistli, uan ye kimati tlen okachi kuali pampa tejuan. Tla tejuan tikakij tlen ye kijtoa, melauak timochiuaskej tiixtlamatkej (Efesios 1:​17; Lucas 11:​28).

ToTajtsin Dios kineki nochtin tlaltikpaktlakamej ma kitlajtoltikan Biblia. Itech ninmej tonalmej Biblia ijkuilitok ika miakej tlajtolmej.

Tla tiknekij tikakiskej toTajtsin Dios, moneki tiktlajtoltiskej uan tikajsikamatiskej tlen kijtoa Biblia.

 Itech nochi Tlaltikpak miakej tlaltikpaktlakamej kikaktokej toTajtsin Dios (Mateo 28:​19)

Itlaixpantijkauan Jehová uelis mitspaleuiskej tikajsikamatis tlen kijtoa Biblia.

Itech nochi Tlaltikpak yejuan tlamachtiaj tlen melauak itech toTajtsin Dios.

Tejuatsin amo itlaj tiktlaxtlauas pampa mitsmachtiskej. Noijki uelis timomachtis itech toTajtsin Dios tla tias itech Kali kanin monechikoaj iTlaixpantijkauan Jehová kanin tejuatsin tichanti.