Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tlen kijtosneki Biblia pampa tejuatsin?

¿Tlen kijtosneki Biblia pampa tejuatsin?

¿Tikijtoskia...

  • ... se amochtli tlen tlaltikpaktlakamej okijkuilojkej?

  • ... se amochtli kanin ijkuilitok tlen amo melauak opanok?

  • ... iTlajtol toTajtsin Dios?

 TLEN KIJTOA BIBLIA

“Nochi tiotlajkuíloli Dios otlanawati makijkuilokah.” (2 Timoteo 3:16, Itlajtol Totajtsi Dios.)

KEN TECHPALEUIA TIKMATISKEJ

Tikajsiskej tlanankililmej tlen melauak okachi ipati itech tonemilis (Proverbios 2:1-5).

Nochipa kuali techyekanas itech tonemilis (Salmo 119:105).

Tikpiaskej se kuali chialistli (Romanos 15:4).

 ¿UELIS TIKNELTOKASKEJ TLEN KIJTOA BIBLIA?

Kema, san tikitaskej eyi tlamantli tlen kiteititia tleka:

  • Amo keman motlajtolnamiki. Biblia okijkuilojkej kanaj 40 tlakamej itech kanaj 1,600 xiuitl. Maski amo keman omoixmatkej amo keman omotlajtolnamikej, Biblia techtlapouia san se tlamantli.

  • Kijtoa nochi san ken opanok. Akinmej kijkuiloaj tlen yiuejkika opanok nochipa kitlatiaj tlen yejuan noso oksekimej amo kuali okichijkej. Maski ijkon, akinmej okijkuilojkej Biblia amo keman okitlatijkej tlen yejuan noso oksekimej amo kuali okichijkej (2 Crónicas 36:15, 16; Salmo 51:1-4).

  • Tlen kijtoa nochipa mochiua. Itech Biblia kanaj 200 xiuitl achto yomoijtojka tlen kipanoskia Babilonia (Isaías 13:17-22). Uan amo san okijto ken kimoaxkatiskiaj, noijki okijto akin kichiuaskia (Isaías 45:1-3).

    Nochi tlamantli tlen omoijto itech Biblia ajsitok omochi. ¡Nin techititia Biblia melauak iTlajtol toTajtsin Dios! (2 Pedro 1:21.)

 XIMOTLAJTLANI

¿Ken uelis nechpaleuis iTlajtol toTajtsin Dios?

Biblia technankilia itech ISAÍAS 48:17, 18 uan 2 TIMOTEO 3:16, 17.