Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

¿Tlen melauak tlamachtia Biblia?

 OKSEKI TLAMACHTILMEJ

¿Tlen kijtosneki Seol uan Hades?

¿Tlen kijtosneki Seol uan Hades?

IKA tlajtolmej tlen achto omoijkuilo Biblia, kanaj 70 veces nesi tlajtoli ika hebreo sche’óhl uan ika griego háides, tlen motekitiltiaj pampa kijtoskej mikilistli. Seki Biblias kitlajtolkuepaj ken “mikatekochtli”, “miktlan” uan “tekochtli”. Maski ijkon, miakej tlajtolmej amo kipiaj se tlajtoli pampa kijtoskej tlen melauak kijtosnekij ninmej tlajtolmej ika hebreo uan griego. Ik non, Traducción del Nuevo Mundo kitekitiltia ninmej tlajtolmej: “Seol” uan “Hades”. ¿Tlen kijtosnekij ninmej ome tlajtolmej? Ma tikitakan tlen kijtosnekij itech tlatlamantli tlaxelolmej bíblicos.

Itech Eclesiastés 9:10 kijtoa: “Amo onka tekitl nion uelis timokuayejyekos itlaj tikchiuas nion onka tlamatilistli nion ixtlamatilistli itech Seol, kanin tias”. ¿Seol kijtosneki sejse tekochtli kanin kintokaj akinmej yomikej? Amo. Ijkuak Biblia tlajtoa itech sejse tekochtli, amo kitekitiltia tlajtolmej sche’óhl nion háides, kitekitiltia okseki tlajtolmej ika tlajtoli hebreo uan griego (Génesis 23:7-9; Mateo 28:1). Nion amo kitekitiltia tlajtoli “Seol” pampa kijtos tekochtli kanin kintokaj miakej tlaltikpaktlakamej, ken kanin kintokaj san sekan se kalchanejke noso ueyi tekochtli kanin kintokaj miakej akinmej yomikej (Génesis 49:30, 31).

Ijkuak iTlajtol toTajtsin Dios kiualika tlajtoli “Seol” noso “Hades”, ¿tlen kijtosneki? Nin kijtosneki okachi ueyi amo ken se tekochtli kanin kintokaj miakej akinmej yomikej. Ken neskayotl, Isaías 5:14 kijtoa Mikakoyoktli noso Seol sekan “tlen amo kipia kanin tlami” tlen “okitlapo ueyi ikamak”. Ma tikijtokan, Seol yokintolo miakej akinmej yomikej, uan amo keman ixui (Proverbios 30:15, 16). Amo ken mikatekochmej kanin amo miakej kintokaj, ‘Seol amo keman ixui’ (Proverbios 27:20). Seol noso Hades, amo keman temi nion amo kipia kanin tlami. Nion kanaj kajki itech Tlaltikpak. Nin kijtosneki kanin yauij nochtin akinmej yomikej, kijtosneki san kineskayotia kanin kochtokej akinmej yomikej.

 Ijkuak timomachtiaj tlen kijtoa Biblia itech yolitilistli, okachi kuali tikajsikamatij tlen kijtosneki Seol noso Hades. ITlajtol toTajtsin Dios kineskayotia nin ika mikilistli itech kanin uelis techyolitiskej (Hechos 2:31). * Maski ijkon, iTlajtol toTajtsin Dios techiluia itech Hades amo san katej akinmej okitekichiuilijkej Jehová, noijki ompa katej akinmej amo okitekichiuilijkej (Apocalipsis 20:13). Ik non, techiluia “nochteh non yomikkeh moyolitiskeh, akimeh otlájtlakolchijkeh iwa akimeh amó” (Hechos 24:15).

^ párr. 1 Uan noijki Biblia techiluia akinmej yomikej tlen amo kinyolitiskej amo katej itech Seol noso Hades, yejuan katej itech “Gehena”, tlen noijki amo kanaj kajki itech Tlaltikpak (Mateo 5:30; 10:28; 23:33, TNM).