Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Kuali tlajtolmej techmaka toTajtsin Dios

 TLAMACHTIL 15

¿Tleka moneki ok timomachtis Biblia?

¿Tleka moneki ok timomachtis Biblia?

1. ¿Ken mitspaleuis okachi timomachtis Biblia?

Melauak, nochi tlen yotimomachtijkej itech Biblia kichiua okachi ma tiktlasojtlakan Jehová. Maski ijkon, moneki okachi ma moskalti motlasojtlalis (1 Pedro 2:2). Pampa uelis tikpias yolilistli tlen amo keman tlamis moneki ok timomachtis itech Jehová ika Biblia. Xiktlajtolti Juan 17:3 uan Judas 21.

Ijkuak okachi timomachtis itech toTajtsin Dios, okachi mochikauas motlaneltokilis uan ijkon uelis tikchiuas tlen kineki Jehová (Hebreos 11:1, 6). Tlaneltokilistli kichiua ma timoyolkuepakan uan ma tikpatlakan tonemilis. Xiktlajtolti Hechos 3:19.

2. ¿Ken uelis tikinpaleuis oksekimej ika tlen yotimomachti?

Tejuatsin uelis kuali timouikas iuan Jehová uan ye mitsitas ken se ichanejka

Uelis tiknekis tikintlapouis oksekimej itech tlen yotimomachti, pampa tinochtin techpaktia tiktematiltiskej kuali tlajtolmej. Ijkuak okachi timomachtis Biblia, okachi kuali uelis tiktekitiltis Biblia pampa titetlapouis itech Jehová uan itech kuali tlajtolmej tlen kineki ma kimatikan tlaltikpaktlakamej. Xiktlajtolti Romanos 10:13-15.

Achto uelis tikintlapouis mochanejkauan uan moyolikniuan. Kuali xikintlapoui uan xikintlakaita. Amo xikinmili amo kuali tlen yejuan kineltokaj, okachi kuali, xikintlapoui itech tlen toTajtsin Dios yokijto kichiuas. Xikilnamiki, tlen tikinmilis uelis kinpaleuis, maski ijkon, okachi tikinpaleuis tla tikchiua ken kineki toTajtsin Dios. Xiktlajtolti 2 Timoteo 2:24, 25.

3. Tla tikchiuas tlen toTajtsin Dios kineki, ¿ken uelis mitsitas?

Ijkuak timomachtis Biblia non kichiuas ma mochikaua motlaneltokilis uan ijkon uelis kuali timouikas iuan Jehová. Uan ye mitsitas ken melauak se ichanejka. Xiktlajtolti 2 Corintios 6:18.

 4. ¿Tlen mitspaleuis pampa okachi chikauak ma yeto motlaneltokilis?

Amo keman xikaua ximomachti iTlajtol toTajtsin Dios (Hebreos 5:13, 14). Xikili se iTlaixpantijka Jehová ma mitsmachti ika amochtli ¿Tlen melauak tlamachtia Biblia? Ijkuak okachi timomachtis, okachi tiyolpakis itech monemilis. Xiktlajtolti Salmo 1:1-3 uan 73:27, 28.

Xikilnamiki, nochi kuali tlajtolmej tlen tikajsij itech Biblia techmaka Jehová, toTajtsin Dios akin yolpaki, uan tejuatsin uelis timotokis itech, tla timonechikoa iuan iTlaixpantijkauan (Hebreos 10:24, 25). Uan tla tiktekichiuilia Jehová ika nochi moyolo, uelis tikpias yolilistli tlen melauak: yolilistli tlen amo keman tlamis. Ik non, melauak kuali tikchiuas tla timotokis itech toTajtsin Dios. Xiktlajtolti 1 Timoteo 1:11 uan 6:19.