Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

“Xiyetokan itech itlasojtlalis toTajtsin Dios”

 OKSEKI TLAMACHTILMEJ

¿Ken uelis ikaj ayakmo momajmachilis?

¿Ken uelis ikaj ayakmo momajmachilis?

Akin momajmachilia kichijtok itlaj tlen amo kipaktia toTajtsin Dios, san itech ye mokuayejyekoa uan kisokiotia ikuayejyekolis. * Akin momajmachilia uelis kinmitas oksekimej san pampa inmiuan moyolpaktis uan auilnemis. Akin momajmachilia amo kita sexo ken itlaj tlen kiteititia tlasojtlalistli, san kita ken itlaj tlen ika moyolpaktis uan ijkon ayakmo sapanoa kinekis motekas iuan ikaj. Pero nin amo melauak kikixtilia tlen kimachilia. Ijkuak ikaj momajmachilia, amo kikaualtia itlalnakayo amo ‘manemi itech tlan pitsotik, uan motemaka imak tlan amokuali kelewia ikuerpo’ (Colosenses 3:5).

Tlatitlanil Pablo okijkuilo: “Nokniwah non satlawel nomechtlasojtla, [...] moneki tinemiskeh kuali iwa amo matikchiwakah tlan weletis kijtlakos tokuerpo iwa toespíritu. Matiktlakitakah Dios, iwa matiktlasojtlakah iwa nochipa matikmopantikah” (2 Corintios 7:1). Tla tejuatsin timochijchikajtok pampa tiktlakamatis nin tlanauatil, amo ximosotlaua. Xikilnamiki, Jehová nochipa ‘kineki tetlapojpoluis’ uan tepaleuis (Salmo 86:5; Lucas 11:9-13). Maski ualeua oksepa tikchiua non, pero pampa timoyolkokoa uan timochijchikaua, tikteititia tikneki timoyektlalis.  Nochipa xikilnamiki “Dios okachi weyi ke toyolo, iwa nochi kimati” (1 Juan 3:20). ToTajtsin Dios amo san kita totlajtlakoluan, ye kita nochi toyelis. Pampa ye kuali techixmati, techiknomati ijkuak tiktlatlaujtiaj ma techpaleui. Ik non, nochipa xiktemo toTajtsin Dios, ximotlatlaujti itech ika nochi moyolo uan ika yolyamanilistli, ijkon ken kichiua se konetl tlen kiluia itajtsin ma kipaleui ijkuak itlaj kipanoa. Jehová mitsmakas chipauak motlalnamikilis (Salmo 51:1-12, 17; Isaías 1:18). Pero noijki moneki timochijchikauas tikchiuas ijkon ken otikilui Jehová ijkuak otimotlatlaujti. Se neskayotl, ximochijchikaua amo xikita nion se tlamantli tlen poui itech pornografía nion ximouika iuan akinmej uelis mitsijtlakoskej. *

Tla ikaj amo ueli kikaua momajmachilia, moneki ma motlapoui ikaj iuan tlen kichiua ken Cristo ken itajtsin, inantsin, se tokni siuatl noso se tokni tlakatl tlen kipia chikauak itlaneltokilis (Proverbios 1:8, 9; 1 Tesalonicenses 5:14; Tito 2:3-5). *

^ párr. 1 Ijkuak ikaj momajmachilia kichiua hasta ijkuak ma mochiua orgasmo.

^ párr. 2 Miakej itech inkalijtik kitlaliaj computadora kanin nochtin uelis kitaskej tlen kistlakojtok ikaj. Noijki, uelis kitlaliliskej computadora seki programas pampa amo moitas tlen pitsotik. Pero nion se programa uelis sepa kitsakuilis tlen pitsotik.

^ párr. 1 Pampa ikaj uelis kimatis ken uelis ayakmo momajmachilis, ma kita tlen kijtoa “Los jóvenes preguntan... ¿Cómo puedo superar este hábito?”, itech ¡Despertad! de noviembre de 2006, uan itech amochtli, Lo que los jóvenes preguntan. Respuestas prácticas, volumen 1, páginas 178 a 182.