Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tlen iTekiuajkayo toTajtsin Dios?

¿Tlen iTekiuajkayo toTajtsin Dios?

¿Tikijtoskia . . .

  • ... itlaj tlen tikpiaj itech toyolo?

  • ... itlaj tlen amo kajki?

  • ... se tekiuajkayotl tlen kajki iluikak?

 TLEN KIJTOA BIBLIA

“ToTajtsin Dios tlen kajki iluikak kitlalis se tekiuajkayotl tlen amo keman ikaj kixpolos.” (Daniel 2:44, Traducción del Nuevo Mundo.)

“Se konetl otechmakakej; uan itech iajkoluan kipias tekiuajkayotl.” (Isaías 9:6.)

KEN TECHPALEUIA TIKMATISKEJ

  • Yetos se Tekiuajkayotl kuali tlen techpaleuis sejse tejuan (Isaías 48:17, 18).

  • Ayakmo miak poliui pampa tikpiaskej yolpakilistli uan ayakmo tikpiaskej kokolismej itech se yankuik xochitlali (Apocalipsis 21:3, 4).

 ¿UELIS TIKNELTOKASKEJ TLEN KIJTOA BIBLIA?

Kema, san tikitaskej ome tlamantli tlen kiteititia tleka:

  • Jesús okiteititi tlen kichiuas iTekiuajkayo toTajtsin Dios. Ye okinmachti imachtijkauan ma kitlajtlanikan itech tlatlaujtilistli ma uiki iTekiuajkayo toTajtsin Dios uan ma mochiua itlanekilis itech Tlaltikpak (Mateo 6:9, 10). Noijki okiteititi ken mochiuaskia tlen ompa titetlajtlaniaj.

    Ijkuak Jesús okatka itech Tlaltikpak okintlamakak akinmej omayaniayaj, okinpajti akinmej omokokoayaj uan okinyoliti akinmej yomikej (Mateo 15:29-38; Juan 11:38-44). Okiteititi ken yetoskia iTekiuajkayo toTajtsin Dios, tlen tlamantli kuali kichiuaskia pampa miakej tlen kitekichiuiliaj (Apocalipsis 11:15).

  • Nochi tlen panoa itech Tlaltikpak kiteititia iTekiuajkayo toTajtsin Dios ayakmo uejka kajki. Jesús okijto achto panoskiaj guerras, apistli uan tlalolinilistli, uan satepan iTekiuajkayo toTajtsin Dios kipojpolos nochi tlen amo kuali (Mateo 24:3, 7).

    Tikitaj nochi nin tlamantli. Ik non, melauak tikmatokej ayakmo uejkauas iTekiuajkayo toTajtsin Dios pampa kiyektlalis nochi.

 XIMOTLAJTLANI

¿Ken yetos toyolilis ijkuak ualtlanauatis iTekiuajkayo toTajtsin Dios?

Biblia technankilia itech SALMO 37:29 uan ISAÍAS 65:21-23.