Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Biblia ¿tlen techiluia?

 TLAMACHTIL 23

Moxitinia itlajtol toTajtsin Dios

Moxitinia itlajtol toTajtsin Dios

Tlatitlanil Pablo yaui ipan tlali uan atl pampa tetlapouis itech iTekiuajkayo toTajtsin Dios

SATEPAN omochi itlaneltokak Cristo, ika miak yolpakilis Pablo opejki tetlapouia itech iTekiuajkayo toTajtsin Dios. Uan axkan ye oyeskia akin kixikoskia miak ouijkayotl. Nin tlatitlanil tlen amo omosotlauaya, oyaj uejka okitematiltito tekiuajkayotl, tlen kichiuaskia itlanekilis toTajtsin Dios pampa tlaltikpaktlakamej.

Ijkuak achto oyaj uejka otetlapouito, Pablo oyaj Listra uan okipajti se tlakatl tlen otlakatki koxo. Miakej tlaltikpaktlakamej tlen okitakej opejkej tsajtsij uan okijtoayaj ke Pablo uan Bernabé, okatkaj teotsitsintin. Oui okinchiualtijkej pampa amo ma kintlamanilikan. Maski ijkon, satepan yejuan okipatlakej intlanemilil ika tlen okijtoayaj ikualankaitauan Pablo uan okimakakej ika tetl. Maski okineltokakej okimiktijkej, amo omiki uan satepan omokuepki ipan altepetl pampa okinyolchikauato akinmej kineltokayaj Jesús.

Satepan, sekimej tlaneltokakej judíos kinekiaj kinchiualtiskej tlen amo katkaj judíos ma kitlakamatikan sekimej tlanauatilmej tlen okijkuilo Moisés. Pampa moyektlalis non ouijkayotl, Pablo okinmatiltito tlatitlaniltin uan tlayekankej itech Jerusalén. Satepan omomachtijkej kuali iTlajtol toTajtsin Dios uan ika ipaleuilis espíritu santo, yejuan okintlajkuililijkej nechikolmej uan okinnauatijkej: amo ma kinueyichiuakan teotsitsintin, nion amo ma kikuakan estli, nakatl tlen kipia estli uan amo ma auilnemikan. Non tlanauatilmej katka “tlamantli tlen moneki”, maski amo kijtosneki kitlakamatiskia Tlanauatil tlen okijkuilo Moisés (Hechos 15:28, 29).

Ijkuak ojpa oyaj uejka otetlapouito, Pablo oyaj Berea, se altepetl kanin axkan Grecia. Judíos tlen ompa chantiayaj kuali okiselijkej tlen okintlapoui Pablo, uan yejuan mojmostla okitlajtoltiayaj iTlajtol toTajtsin Dios pampa kitaskej kox melauak tlen okinmiluiaya. Satepan, Pablo oksepa ocholoj itech ikualankaitauan. Oyaj Atenas, kanin okinmoixpanti imixpan sekimej tlakamej tlen tlamatkej, uan ika tlakaitalis okitemakak se kuali tlanojnotsalis tlen ika okinyolini.

Satepan ijkuak eyijpa oyaj uejka otetlapouito, Pablo oyaj Jerusalén. Ijkuak oyaj teokali, sekimej judíos kinekiaj kimiktiskej. Soldados romanos okimakixtijkej uan okiuikakej Pablo pampa kitlajtlaniskej tlen opanok. Ken ye okatka tlakatl romano, pampa mopaleuis okikauilijkej ma uia ixpan tekiua Félix. Yejuan judíos amo keman okajxilijkej itlaj tlen ika kiteluiskej. Maski ijkon, Festo —akin okipatlak Félix— kinekia kitemaktilis. Pampa momakixtis Pablo otlajtlani ma kiuikakan ixpan César, uan ye okinankili: “Tias kine inauak in César” (Hechos 25:11, 12).

Ixkomakalis mochiuaskia Roma. Ik non, otlejko ipan se barco uan oyaj Italia, uan barco omoixpolo, uan omokauato Malta itech kauitl keman seua. Ijkuak oajsito Roma, ompa ochanti ome xiuitl itech se kali tlen okitlanetijke. Maski okimaluiaya se soldado, amo keman okipolo ipakilis uan maski ijkon, ok otetlapouiaya itech Tekiuajkayotl nochtin akinmej oyayaj kitlajpaloti.

(Okisak itech Hechos 11:22–28:31.)