Xikita nochi

Pampa tikitas okse menú

ITlaixpantijkauan Jehová

náhuatl del centro

¿Ken uelis yolpakiskej kalchanejkej?

¿Ken uelis yolpakiskej kalchanejkej?

¿Tikijtoskia...

  • ... ika tlasojtlalistli?

  • ... ika tomin?

  • ... ika okse tlamantli?

 TLEN KIJTOA BIBLIA

“¡Okachi kuali yolpakilisojkeh akimeh kikakih itlajtol Dios iwa kitlakitah!” (Lucas 11:28, Itlajtol Totajtsi Dios.)

KEN TECHPALEUIA TIKMATISKEJ

Tokalchanejkauan motlasojtlaskej (Efesios 5:28, 29).

Motlakaitaskej (Efesios 5:33).

Uan kuali yetoskej (Marcos 10:6-9).

 ¿UELIS TIKNELTOKASKEJ TLEN KIJTOA BIBLIA?

Kema, san tikitaskej ome tlamantli tlen kiteititia tleka:

  • ToTajtsin Dios okintlali kalchanejkej. Biblia kijtoa toTajtsin Jehová “okintokayoti nochi kalchanejkej” (Efesios 3:14, 15, Traducción del Nuevo Mundo). Nin kijtosneki kalchanejkej yetokej pampa Jehová okintlali. ¿Tleka miak ipati tikmatiskej nin?

    Ximokuayejyeko: Tla tikuajtoskia se tlakuali uelik uan tiknekiskia tikmatis ken mochiua, ¿akin tiktlajtlaniskia? Akin okichi.

    Noijki ijkon, tla tikneki tikmatis ken uelis yolpakiskej mokalchanejkauan, moneki tiktlajtlanis Jehová, pampa ye okinchijchi kalchanejkej (Génesis 2:18-24).

  • ToTajtsin Dios totech motekipachoa. Tejuatsin uan mokalchanejkauan moneki nankitemoskej itech Biblia ken namechpaleuia Jehová, pampa “Ye nomechmokuitlawia [noso namechmaluia]” (1 Pedro 5:6, 7). Jehová kineki kuali ma tiyetokan. Uan tlen ye techiluia nochipa techpaleuia (Proverbios 3:5, 6; Isaías 48:17, 18).

 XIMOTLAJTLANI

¿Ken uelis niyetos se kuali tlakatl, siuatl noso teta?

Biblia technankilia itech EFESIOS 5:1, 2 uan COLOSENSES 3:18-21.