Xikita nochi

Pampa tikitas okse menú

ITlaixpantijkauan Jehová

náhuatl del centro

¿Uelis oksepa yoltoskej akinmej yomikej?

¿Uelis oksepa yoltoskej akinmej yomikej?

¿Tikijtoskia...

  • ... kema?

  • ... amo?

  • ... uelis?

 TLEN KIJTOA BIBLIA

“Nochteh non yomikkeh moyolitiskeh.” (Hechos 24:15, Itlajtol Totajtsi Dios.)

KEN TECHPALEUIA TIKMATISKEJ

Techyolseuis ijkuak mikis ikaj akin tiktlasojtlaj (2 Corintios 1:3, 4).

Ayakmo tikmauiliskej mikilistli (Hebreos 2:15).

Melauak tikneltokaskej oksepa tikinmitaskej akinmej tikintlasojtlaj tlen yomikej (Juan 5:28, 29).

 ¿UELIS TIKNELTOKASKEJ TLEN KIJTOA BIBLIA?

Kema, san tikitaskej eyi tlamantli tlen kiteititia tleka:

  • ToTajtsin Dios oKichijchi yolilistli. Biblia kijtoa itech Jehová “meya yolilistli” (Salmo 36:9; Hechos 17:24, 25). Tla Jehová okimakak yolilistli nochi tlen yoltok, melauak uelis oksepa kinyolitis akinmej yomikej.

  • Yiuejkika toTajtsin Dios yokinyoliti tlaltikpaktlakamej. Biblia techtlapouia itech chikueyi tlaltikpaktlakamej tlen okinyoliti —tlakamej uan siuamej tlen tlatlamantli xiuitl okipiayaj— uan oksepa onenkej nikan Tlaltikpak. Sekimej yikin omikaj; maski ijkon, se tlakatl yokipiaya naui tonal omikik (Juan 11:39-44).

  • ToTajtsin Dios melauak kineki kinyolitis akinmej yomikej. Jehová kikokolia mikilistli, pampa kita ken ikaj tlen tekokolia (1 Corintios 15:26). Ye melauak kineki kipojpolos mikilistli uan kichiuas ika yolitilistli. Ye sapanoa kineki oksepa ma yoltokan itech Tlaltikpak akinmej ye kinmilnamiktok (Job 14:14, 15).

 XIMOTLAJTLANI

¿Tleka tikokoxkatij noso tiueuejtij uan timikij?

Biblia technankilia itech GÉNESIS 3:17-19 uan ROMANOS 5:12.