Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tlen timokuayejyekoa panos satepan?

¿Tlen timokuayejyekoa panos satepan?

¿Tikneltoka itech Tlaltikpak...

  • ... tlayetos ken axkan?

  • ... tlayetos okachi oui?

  • ... tlayetos okachi kuali?

 TLEN KIJTOA BIBLIA

“Dios kinmixayowajwatzas, iwan mach ok yetos mikilistle, nion chokilistle, nion neyolkokole, iwan nion tekokojkayotl, porke nochi tlan achtoj oyeka, yopanok.” (Apocalipsis 21:4, iTlajtol toTajtzin Dios.)

KEN TECHPALEUIA TIKMATISKEJ

Tikpiaskej tekitl tlen techyolpaktis (Isaías 65:21-23).

Ayakmo titlajyouiskej nion timokokoskej (Isaías 25:8; 33:24).

Nochipa tikyolpakiskej iuan tokalchanejkauan uan toyolikniuan (Salmo 37:11, 29).

 ¿UELIS TIKNELTOKASKEJ TLEN KIJTOA BIBLIA?

Kema, san tikitaskej ome tlamantli tlen kiteititia tleka:

  • ToTajtsin Dios kipia chikaualistli pampa kichiuas tlen okijto. Itech Biblia, moijtoa san ye toTajtsin Dios Akin ‘kipia nochi poder’, pampa amo keman tlami ichikaualis (Apocalipsis 15:3). Ik non, ijkuak kijtoa kipatlas nochi Tlaltikpak pampa tlakualtsin ma tlayeto, uelis tikneltokaskej melauak ijkon kichiuas. Ken kijtoa Biblia, “Dios nochi weli kichiwa” (Mateo 19:26).

  • ToTajtsin Dios kineki kichiuas tlen okijto. Se neskayotl, Biblia kijtoa Jehová melauak kineki kinyolitis akinmej yomikej (Job 14:14, 15).

    Noijki Biblia kijtoa Jesús, iKone toTajtsin Dios, okinpajti akinmej omokokoayaj. ¿Uan tleka okinpajti? Pampa okiski itech iyolo (Marcos 1:40, 41). Nochi tlen okichi Jesús pampa okinpaleui akinmej otlajyouiayaj okiteititi iTajtsin noijki kineki kinpaleuis (Juan 5:19).

    Ika tlen yotikitakej, tikneltokaj Jehová uan Jesús melauak kinekij nochipa ma tiyolpaktokan (Salmo 72:12-14; 145:16; 2 Pedro 3:9).

 XIMOTLAJTLANI

¿Ken kichiuas toTajtsin Dios pampa tlakualtsin ma tlayeto itech Tlaltikpak?

Biblia technankilia itech MATEO 6:9, 10 uan DANIEL 2:44.