Xikita nochi

Pampa tikitas okse menú

ITlaixpantijkauan Jehová

náhuatl del centro

¿Se tonal tlamis tlajyouilistli?

¿Se tonal tlamis tlajyouilistli?

¿Tikijtoskia...

  • ... kema?

  • ... amo?

  • ... uelis?

 TLEN KIJTOA BIBLIA

“Dios [...] kinmixayowajwatsas nochteh, iwa ayakmó yetos mikílistli, nion chokílistli, nion neyolkókoli.” (Apocalipsis 21:3, 4, Itlajtol Totajtsi Dios.)

KEN TECHPALEUIA TIKMATISKEJ

Tikmatiskej amo itlajtlakol toTajtsin Dios tlajyouilistli tlen onka (Santiago 1:13).

Techyolseuia ijkuak tikmatij tlen kimachilia toTajtsin Dios ijkuak titlajyouiaj (Zacarías 2:8).

Tikneltokaj satepan ayakmo itlaj techtlajyouiltis (Salmo 37:9-11).

 ¿UELIS TIKNELTOKASKEJ TLEN KIJTOA BIBLIA?

Kema, san tikitaskej ome tlamantli tlen kiteititia tleka:

  • ToTajtsin Dios kikokolia tlajyouilistli uan tlen amo mochiua ika melajkayotl. ¿Ken omomachiliaya Jehová ijkuak yiuejkika sapanoa okitlajyouiltiayaj ialtepe? Biblia kijtoa omoyolkokoaya ijkuak tlaltikpaktlakamej sapanoa “okintlajyouiltiayaj” (Jueces 2:18).

    ToTajtsin Dios melauak kinkokolia akinmej kintlajyouiltiaj oksekimej. Se neskayotl, Biblia kijtoa toTajtsin Dios sapanoa kikokolia “imauan akin kinokia ieso akin amo itlaj itlajtlakol” (Proverbios 6:16, 17).

  • Jehová techmaluia tisejse tejuan. Amo san tlaltikpaktlakamej “kixmatij chauistli tlen kipiaj uan tlen kinyolkokoa”, noijki Jehová kimati tlen kimachiliaj (2 Crónicas 6:29, 30).

    Melauak, ika itekiuajkayo Jehová kitlajtlamis nochi tlajyouilistli tlen tisejse tipanoaj (Mateo 6:9, 10). Maski ijkon, axkan ika miak tlasojtlalistli kinyolseuia nochtin akinmej kitemoaj (Hechos 17:27; 2 Corintios 1:3, 4).

 XIMOTLAJTLANI

¿Tleka toTajtsin Dios kitekauilia ma titlajyouikan?

Biblia technankilia itech ROMANOS 5:12 uan 2 PEDRO 3:9.