Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

¿Akinmej kichiuaj itlanekilis Jehová itech ninmej tonalmej?

 TLAMACHTIL 10

¿Tlen kijtosneki Yoak ijkuak Kalchanejke Kiueyichiuaj Jehová?

¿Tlen kijtosneki Yoak ijkuak Kalchanejke Kiueyichiuaj Jehová?

Corea del Sur

Brasil

Australia

Guinea

Yiuejkika Jehová kineki tetajmej uan inkoneuan ma monechikokan pampa okachi kuali mouikaskej iuan Jehová uan pampa yejuan noijki kuali mouikaskej (Deuteronomio 6:6, 7). Ik non, iTlaixpantijkauan Jehová sejse semana kixeloaj se yoak pampa kiueyichiuaskej Jehová ken kalchanejke san sekan ken yejuan kinekiskej, momachtiaj itech Biblia tlen uelis kinpaleuis ma kichiuakan tlen moneki pampa kuali yetoskej. Noijki akinmej inseltij yetokej uelis kixeloskej se yoak pampa kiueyichiuaskej Jehová uan momachtiskej tlen yejuan kipejpenaskej.

Yoak ijkuak Kalchanejke Kiueyichiua Jehová kichiua ma motokikan itech Jehová. “Ximijkuanikan [ximotokikan] inauak Dios, iuan Yej mijkuanis [motokis] amonauak.” (Santiago 4:8.) Ijkuak timomachtiaj itech Biblia ken iyelis Jehová uan tlen kichiua, okachi kuali tikixmatij. Ijkuak nankiueyichiuaskej Jehová ken kalchanejke uelis nankitlajtoltiskej Biblia san sekan noso uelis nankitlajtoltiskej tlen timomachtiskej itech Toteki akinmej tikchiuaj ken Cristo. Sejse uelis kitlajtoltis tepitsin itech Biblia uan satepan nochtin uelis nankijtoskej tlen onanmomachtijkej itech Biblia.

Yoak ijkuak Kalchanejke Kiueyichiua Jehová kichiua okachi san sekan ma yetokan. Tlakatl uan isiua, tetajmej uan konemej okachi kuali mouikaskej tla san sekan momachtiaj Biblia. Yoak ijkuak Kalchanejke Kiueyichiua Jehová moneki yetos kualtsin uan ika yolseuilistli pampa ijkon nochtin kinekiskej momachtiskej sejse semana. Pampa tetajmej uelis kipejpenaskej tlen momachtiskej iuan ikalchanejke moneki ma kitakan keski xiuitl kipiaj inkoneuan uan ijkon uelis kitemoskej sekimej tlamachtilmej itech revista Akin Tetlapouijtok uan ¡Despertad! noso itech jw.org. Noijki uelis momachtiskej itech se ouijkayotl tlen kipiaj inkoneuan kanin momachtiaj uan tlen uelis kinpaleuis. Noijki uelis san sekan nankitaskej uan nanmomachtiskej JW Broadcasting (tv.jw.org). Noijki uelis momachtiskej tlakuikalmej tlen titlakuikaskej itech nechikolmej, uan noijki ijkuak tlamis momachtiskej uelis itlaj kikuaskej noso koniskej.

Tla kalchanejkej kiueyichiuaskej Jehová san sekan, non uelis kichiuas tetajmej uan konemej melauak ma kinpakti iTlajtol toTajtsin Dios, uan tla mochijchikauaj Jehová kinteochiuas miak (Salmo 1:1-3).

  • ¿Tleka moneki ma tikpiakan Yoak ijkuak Kalchanejke Kiueyichiua Jehová?

  • ¿Tlen uelis kichiuaskej tetajmej pampa nochtin kinpaktis tlen momachtiskej?