Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

¿Akinmej kichiuaj itlanekilis Jehová itech ninmej tonalmej?

¿Tikchiuas tejuatsin itlanekilis Jehová?

¿Tikchiuas tejuatsin itlanekilis Jehová?

Timitstlasojkamatiliaj pampa otimomachti nin amatlajkuilol, pampa okachi kuali techixmatis, tikmatis tlen tikchiuaj uan pampa tikitas ken tekiti nin altepetl. Tikchiaj pampa otimomachti nin amatlajkuilol yotikitak san tejuan tikchiuaj itlanekilis Jehová itech ninmej tonalmej. Timitsyoleuaj okachi ximomachti itech toTajtsin Dios. Xikintlapoui mokalchanejkauan uan moyolikniuan tlen yotimomachti uan timitsyoleuaj nochipa ximonechiko touan (Hebreos 10:23-25).

Tla okachi timomachtis itech Jehová, okachi tikmachilis ken mitstlasojtla miak. Uan ijkon timochijchikauas pampa tejuatsin noijki tiktlasojtlas (1 Juan 4:8-10, 19). Maski ijkon, ¿ken uelis tikteititis itech monemilis melauak tiktlasojtla toTajtsin Dios? ¿Tleka moneki tiktlakamatis itlanauatiluan tlen kijtoa moneki ma yeto chipauak tonemilis? ¿Tlen mitsyoleuas pampa tiknekis tikchiuas touan itlanekilis toTajtsin Dios? Akin mitsmachtia mitspaleuis pampa tiknankilis ninmej tlajtlanilmej, pampa ijkon tejuatsin uan mokalchanejkauan “xiekan itech itlasojtlalis in toTajtsin Dios. Iuan xikchiakan ika pakilistle in yankuik nemilistle” (Judas 21).

Ika nochi toyolo timitsyoleuaj okachi xikiskalti motlaneltokilis itech tlen melauak. Melauak mitspaleuis tla timomachtis amochtli “Xiyetokan itech itlasojtlalis toTajtsin Dios”.