Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

¿Akinmej kichiuaj itlanekilis Jehová itech ninmej tonalmej?

¿Katli itlanekilis toTajtsin Dios?

¿Katli itlanekilis toTajtsin Dios?

ToTajtsin Dios kineki nochipa ma tichantikan ika yolseuilistli uan yolpakilistli itech se xochitlali nikan Tlaltikpak.

Kanaj tejuatsin uelis tikijtos: “¿Ken uelis mochiuas non?”. Biblia kijtoa iTekiuajkayo toTajtsin Dios melauak ijkon kichiuas. Akin oTechchijchi kineki nochtin tlaltikpaktlakamej ma kimatikan itech non Tekiuajkayotl uan itlanekilis pampa tejuan (Salmo 37:11, 29; Isaías 9:7).

ToTajtsin Dios kineki kuali ma tiyetokan.

Ijkon ken se teta kineki melauak kuali ma yetokan ikoneuan, toTajtsin Dios kineki nochipa ma tiyolpaktokan (Isaías 48:17, 18). Ye kitemaka itlajtol uan kijtoa ‘akin kichiuas tlen Dios kineki yoltos nochipa’ (1 Juan 2:17).

ToTajtsin Dios kineki ma tinemikan itech iojui.

Biblia kijtoa akin oTechchijchi kineki techilis tlen kineki ma tikchiuakan uan ijkon tinemiskej ipan ojtli tlen ye techilia (Isaías 2:2, 3). Jehová yokipejpenki se altepetl pampa ‘ma yeto iaxka’ uan nin kitematiltia itlanekilis itech nochi Tlaltikpak (Hechos 15:14).

ToTajtsin Dios kineki san sekan ma tikueyichiuakan.

Tlaneltokalistli tlen melauak amo kinxeloa tlaltikpaktlakamej, kinsetilia ika tlen melauak tlasojtlalistli (Juan 13:35). ¿Axkan akinmej kinmachtiaj nochtin tlaltikpaktlakamej pampa san sekan ma kitekichiuilikan toTajtsin Dios? Timitsyoleuaj xikmati nin tlamantli ika nin amatlajkuilol.