Xionyoui kampa nesi tein kipia

¿Tapaleuiaj itaixpantijkauan Jiova keman mochiua se tetsauit?

¿Tapaleuiaj itaixpantijkauan Jiova keman mochiua se tetsauit?

Kemaj. Tiitaixpantijkauan Jiova miakpa tikinpaleuiaj akin tajyouiaj keman mochiua se tetsauit. Tikinpaleuiaj akin itaixpantijkauan Jiova uan oksekin akin amo, tikchiuaj ijkon kemej kijtoua Gálatas 6:10: “Nachipa kuak tiueliske ma tikinpaleuijtiyakan nochi tagayot. Pero no kachi ok [...] in tokniuan taneltokani”. Uan no, tikinyolseuiaj uan tikinyolchikauaj itech nejon tonalmej keman okachi moneki (2 Corintios 1:3, 4).

Kuali moixtalia tein mochiuas

Keman mochiua se tetsauit, tayekananij akin ompa moajsij kitemouaj tajtoskej iniuan nochin akin pouij itech nechikol uan ijkon uelis kimatiskej keniuj yetokej uan toni kinpoloua. Ompa, kiluiaj tokniuan akin taixyekanaj sucursal toni taman panotok uan toni nepaleuil motemakaniya.

Komo nechikolmej tein moajsij ompakauin amo uelij kinmakaj tein kinpoloua tokniuan akin kinijtakoj tetsauit, Oloch Taojtokaltianij akin kinixyekanaj itaixpantijkauan Jiova kiitaj keniuj kinpaleuiskej. Sucursal kinixtalia seki tokniuan maj kiixyekanakan tekit tein monekis mochiuas uan tokniuan akin uitsej itech okseki xolalmej tapaleuitij ika inintiempo uan ika tein kipiaj (Proverbios 17:17). Itech yekinika siglo no ijkon mochiuak keman miakej itatojtokakauan Cristo kipanokej se mayan (1 Corintios 16:1-4).

Tomin

Seki tomin tein taltikpakneminij kitemakaj ika nochi ininyolo motitani itech sucursales kampa kinixyekanaj itaixpantijkauan Jiova uan ika kinpaleuiaj akin tajyouiaj keman mochiua se tetsauit (Hech. 11:27-30; 2 Corintios 8:13-15). Uan kemej akin tapaleuitij amo kintaxtauiaj, nochi nejon tomin ika tapaleuiaj. Uan no, moneki tikijtoskej ke nochi tomin tein kitemakaj ika nochi ininyolo motekitiltia ika nejmachkayot (2 Corintios 8:20).