Xionyoui kampa nesi tein kipia

¿Keniuj moixtaua tekit tein kichiuaj itaixpantijkauan Jiova?

¿Keniuj moixtaua tekit tein kichiuaj itaixpantijkauan Jiova?

Tekit tein tikchiuaj moixtaua ika tomin tein itaixpantijkauan Jiova kitemakaj ika nochi ininyolo. Itech tonechikoluan amo keman titajtanij tomin. Amo no techtaxtaualtiaj diezmo (Mateo 10: 7, 8). Komo aksa kineki tapaleuis ika tomin, uelis kitalis itech semej kaxontsitsin tein moajsij itech kalmej kampa timosentiliaj. Amo moteixmatiltia inintokay akin tapaleuiaj.

Miak taman tapaleuia maj amo motelkui miak tomin. Yekinika, amo tikintaxtauiaj akin techmachtiaj. Uan no, tiitaixpantijkauan Jiova amo tiktanij tomin keman tiyouij kajkalpan, uan kalmej kampa timosentiliaj amo tel uejueykej.

Tomin tein tikseliaj uan tiktitanij itech sucursales tein kipiaj itaixpantijkauan Jiova kitekitiltiaj itech miak taman: ika kinpaleuiaj kampa mochiua se tetsauit, kinpaleuiaj misioneros uan takalpanouanij, ika kichijchiuaj kalmej kampa timosentiliaj itech altepemej kampa amo semi onkak tomin uan ika kichijchiuaj uan kititanij biblias uan amaixmej.

Sejse ueli kiixejekoua ox kitalis itomin tein motekitiltis ompa, tein ika tapaleuis maj mochiua itekiyo Dios semanauak taltikpak oso ome taman. Itech nochi nechikolmej miakpa kinextiaj keniuj motekitiltijtok tomin tein motemaka.